ÍslenskaenEnglish

Aðilar að Skemmunni

Leit eftir:


LokaverkefniHáskóli Íslands>Hugvísindasvið>B.A. verkefni>

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/8510

Titill

Útvíkkun miðilsins. Tilraunamyndir Friðriks Þórs Friðrikssonar: Brennunjálssaga og Hringurinn.

Útgáfa
Maí 2011
Útdráttur

Í þessari ritgerð gefur að líta umfjöllun og greiningu á tilraunamyndum Friðriks Þórs Friðrikssonar, Brennunjálssögu og Hringnum. Stuttlega verður þá einnig fjallað um Nomina Sunt Odiosa en verkin þrjú tilheyra upphafsárum Friðriks í kvikmyndagerð og bera vitni um myndlistariðkun á 8. áratugnum.
Hugmyndin að þessu efni kviknaði eflaust í tengslum við áfangan Kvikmyndafræði við Háskóla Íslands haustið 2008 þar sem greinasafnið Kúreki norðursins var á leslista. Við lestur bókarinnar vaknaði þá mikil hrifning á síðari tilraunaverkunum tveimur jafnvel þó að aðeins hafi þau verið upplifuð í gegnum skrif tiltekinna greinahöfunda. Það var hins vegar tveim árum síðar sem tækifæri gafst á að sjá verkin og upplifa þau á kvikmyndatjaldinu. Þrátt fyrir nokkuð afmarkað inntak verkanna lýsti sú upplifunin sér undur vel enda slíkar myndir ekki á hverju strái.
Það sem helst vakti áhuga á þessum verkum var framandleiki þeirra miðað við einfalda formgerð. Önnur sýnir eina bók brenna og hin náttúru og fjöll út um framrúðu bifreiðar. Aukinheldur vöknuðu spurningar um almennt skeytingarleysi varðandi verkin í samfélaginu sem á ekki við í tengslum við frásagnarleg verk Friðriks enda hefur hann oftsinnis fyllt sali kvikmyndahúsa landsins í tengslum við þau.
Þegar hugað er að eðli tilraunaverka Friðriks kemur fljótt í ljós að þau eru síst mjög einföld og afmörkuð. Þau taka til fjöldamargra þátta menningarinnar hvort heldur sem litið er til áhrifa frá mismunandi stefnum myndlistar eða ádeilu á formúlukennda birtingamynd afþreyingamynda. Verkin er þá jafnframt hægt að skoða í tengslum við annað höfundarverk Friðriks þó að breitt sé bilið þar á milli.

Birting
16.5.2011


Skrár
NafnRaðanlegtStærðRaðanlegtAðgangurRaðanlegtLýsingRaðanlegtSkráartegund
FORSÍÐA3.pdf25,9KBOpinn Forsíða PDF Skoða/Opna
Lokaritgerð3. Heiða Jónsd.pdf249KBOpinn Meginmál PDF Skoða/Opna
TITILSÍÐA3.pdf4,5KBOpinn Titilsíða PDF Skoða/Opna