Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/8546
Atvinnu- og tekjumöguleikar tónskálda á Íslandi í dag er heiti á lokaritgerð til BA
prófs undirritaðrar í tónsmíðadeild við Listaháskóla Íslands. Viðfangsefnið er einkum
að varpa ljósi á möguleika tónskálda til atvinnu og á þau styrkja og starfslaunakerfi
sem í gangi eru hér á landi. Tónskáldafélag Íslands, STEF og Íslensk tónverkamiðstöð
eru kynnt og meðal annars farið yfir möguleika tónskálda til að hljóta starfslaun
listamanna, heiðurslaun Alþingis, heiðurslaun bæjarlistamanna og ýmsa smærri styrki.
Frá stofnun Tónskáldafélags Íslands árið 1945 hefur félagið barist fyrir réttindum
tónskálda. Við úthlutun starfslaunaárið 2010 fékk eitt tónskáld laun til tveggja ára
tónsmíða, eitt tónskáld til tónsmíða í eitt ár. Baráttan stendur enn.
Í verkefninu er birtur útdráttur úr viðtölum við tónskáldin Áskel Másson og
Kjartan Ólafsson. Annar starfar eingöngu við tónsmíðar, hinn er kennari og tónskáld.
Af viðtölunum má glöggt sjá að tilvist tónskálds er mikil barátta í að hafa í sig og á.
Flest tónskáld vinna aðra vinnu. Hafi tónskáld fast starf, verður það að velja á milli
þess og starfslauna ef þau bjóðast og hætta á að tapa starfinu áður en starfslaunaárinu
lýkur. Tónskáldunum þ ykir lítill jöfnuður með listamönnum varðandi starfslaun og
styrki. Á sama tíma er kreppa í samfélaginu og umræða um laun til handa
listamönnum í neikvæðasta lagi.
Niðurstaða verkefnisins er nokkuð afgerandi. Það vantar töluvert á að möguleikar
tónskálda til þess að iðka list sína séu til jafns við marga aðra listamenn. Þrátt fyrir
það er þó ljós í myrkrinu. Fjallað er um rannsóknina skapandi störf sem kynnt var af
mennta- og menningamálaráðuneytinu þann 1. desember 2010 og lítillega fjallað um
aðrar smærri kannanir. Skapandi störf skiptast niður í sjónlistir, sviðslistir, bækur og
útgáfu, hljóð og mynd og bæði áþreifanlegan og óáþreifanlegan menningararf. Tónlist
og þar með tónsmíðar falla undir sviðslistir. Ítarlegar upplýsingar eru enn í vinnslu
um rannsóknina um skapandi störf. En það sem fyrir liggur er þó afgerandi, og ljóst
að skapandi störf eru einn af undirstöðuatvinnuvegum þjóðarinnar. Þar starfa um 6%
vinnandi fólks í landinu og ársverkin hafa flest orðið um tíu þúsund.
Helstu niðurstöður könnunarinnar styðja það sem víða kemur fram í þ essu
verkefni. Störf listamanna leiða af sér fjöldann allan af öðrum störfum og geta verið
hluti af þeirri vegferð að stíga út úr kreppunni.
Skráarnafn | Stærð | Aðgangur | Lýsing | Skráartegund | |
---|---|---|---|---|---|
Lokaritgerd.pdf | 256.71 kB | Lokaður | Heildartexti |