ÍslenskaenEnglish

Aðilar að Skemmunni

Leit eftir:


LokaverkefniHáskóli Íslands>Félagsvísindasvið>Meistaraprófsritgerðir>

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/8551

Titill

Vinna fúslega gefin. Skoðun á eðli og hlutverki sjálfboðavinnu við menningarstofnanir

Útgáfa
Maí 2011
Útdráttur

Ritgerðin er rannsókn á eðli og hlutverki sjálfboðavinnu við menningarstofnanir. Ég skoða skilgreiningar um sjálfboðaliða en grundvallarskilgreiningin er sú að sjálfboðaliði sé persóna sem gefi vinnu sína að eigin frumkvæði og öðrum til hagsbóta. Málið er ekki svo einfalt og leidd eru fram mismunandi sjónarhorn á því hvað felist í sjálfboðavinnu og sýnd vafaatriði sem hafa áhrif á þessa skilgreiningu.
Eitt sjónarhorna á sjálfboðaliðann er að starfið sé þátttaka í verkefnum að vel ígrunduðu máli. Ég sýni fram á að menningarstofnanir geti stofnað til verkefna með gestum sínum sem byggjast á þátttöku þeirra. Hún byggir á skilgreiningum um sjálfboðaliða og nær langt út fyrir veggi stofnunarinnar. Með þessu er stofnunin að laða sjálfboðaliða að starfi sínu og fá þá til starfa við sameiginleg þátttökuverkefni.
Ég fer yfir nýlegar áherslur í safnastarfi sem fela í sér meiri samskipti og þjónustu við samfélagið. Kenningar um nýja gerð safna á borð við vistsöfn, sem fela í sér meiri ábyrgð og þátttöku samfélagsins í safnastarfinu fellur líka vel að kenningum um sjálfboðaliðann sem vinnur í þátttökuverkefnum.
Niðurstaða mín er að breytt viðhorf til sjálfboðastarfsemi og samskipta safna við samfélagið feli í sér mikil tækifæri fyrir menningarstofnanir og að framundan séu spennandi tímar við að kanna þennan þátt safnastarfsins frekar og þau tækifæri sem hann býður upp á.

Birting
17.5.2011


Skrár
NafnRaðanlegtStærðRaðanlegtAðgangurRaðanlegtLýsingRaðanlegtSkráartegund
Vinna fúslega gefin.pdf712KBOpinn Heildartexti PDF Skoða/Opna