is Íslenska en English

Lokaverkefni (Bakkalár)

Listaháskóli Íslands > Sviðslistadeild / Department of Performing Arts > Lokaverkefni (BA) / Final projects (BA) >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/8561

Titill: 
  • Jón Gnarr og listaverk hans, Besti flokkurinn
Námsstig: 
  • Bakkalár
Útdráttur: 
  • Hér er leitast við að svara spurningunni hvort Besti flokkur Jóns Gnarr sé
    listgjörningur og fjallað um hann sem stjórnmálamann í hlutverki, hver virkni þess
    og grundvöllur sé.
    Litið er til frama Jóns Gnarr sem uppistandara og leikara. Þá er Jón Gnarr
    skilgreindur sem póstmódernískur listamaður í borgarstjórastöðunni meðal
    annars út frá kenningum Kanadamannsins Linda Hutcheon sem segir
    póstmóderníska list fjalla um og meðvitað draga úr lykilhugtökum eins og gildum,
    reglu, merkingu, stjórn og sjálfi einstaklingsins sem hefur verið forsenda
    borgaralegs frjálslyndis.1 Í kjölfarið eru ritrýndar greinar um tilkomu Simpsonfjölskyldunnar
    inn í amerískan afþreyingariðnað í upphafi 10. áratugar síðustu
    aldar skoðaðar og tilurð Besta flokksins sett í samhengi við niðurstöður þeirra. Þá
    er hinu fljótandi kyngervi Jóns Gnarr gefinn gaumur og það skoðað hvernig hann
    kemst undan því að vera beint stimplaður sem hvítur gagnkynhneigður karlmaður
    sérstaklega í samhengi við orðræðu hans, klæðaburð og framkomu hans í dragi.
    Loks er stöðu Jóns Gnarr velt upp í samhengi við þá staðreynd að helstu forkólfar
    og kenningasmiðir póstmódernismans eru látnir og margir spyrja sig hvað taki við
    og hvort pláss sé fyrir Besta flokkinn í því sem við tekur. Að lokum er það skoðað
    hvort performansinn renni saman við raunveruleikann síðar, Jón hætti að
    performera borgarstjórann, hreinlega verði hann og takist þannig að breyta ásjónu
    íslenskra stjórnmálamanna.
    Margt má sjá sameiginlegt með framboði Besta flokksins og afbyggingartækni
    póstmódernismans eins og hún birtist í listum. Flokkurinn notaði þessi verkfæri til
    þess að ná kjöri og að þeim forsendum gefnum er flokkurinn listaverk eða hefur að
    minnsta kosti ígildi þess.

Samþykkt: 
  • 18.5.2011
URI: 
  • http://hdl.handle.net/1946/8561


Skrár
Skráarnafn Stærð AðgangurLýsingSkráartegund 
Lokaritgerd.pdf145.56 kBOpinnHeildartextiPDFSkoða/Opna