ÍslenskaenEnglish

Aðilar að Skemmunni

Leit eftir:


LokaverkefniHáskóli Íslands>Heilbrigðisvísindasvið>Meistaraprófsritgerðir>

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/8586

Titill

Próffræðileg athugun á The Short Form (36) Health Survey (SF-36) heilsukvarðanum

Útdráttur

Tilgangur þessarar rannsóknar var að meta próffræðilega eiginleika íslenskrar útgáfu The Short Form (36) Health Survey (SF-36). SF-36 er 36 atriða sjálfsmatslisti sem ætlað er að meta heilsutengd lífsgæði fólks. Próffræðilegir eiginleikar SF-36 voru athugaðir með því að meta áreiðanleika, réttmæti og þáttauppbyggingu kvarðans. Til að meta samleitni- og aðgreiniréttmæti SF-36 svöruðu báðir úrtakshópar SF-36 kvarðanum og Beck´s Depression Inventory-II en háskólanemendur svöruðu auk þess HL-prófinu, Perceived Stress Scale og Satisfaction With Life Scale. Þátttakendur rannsóknarinnar voru alls 407, þar af 294 (72,2%) háskólanemar og 113 (27,8%) sjúklingar af verkjasviði Reykjalundar. Í heildina sýndu niðurstöður rannsóknarinnar fram á góða próffræðilega eiginleika SF-36. Innra samkvæmni og aðgreiniréttmæti atriða reyndist í flestum tilvikum gott auk þess sem innri áreiðanleiki allra undirkvarða var oftar en ekki ásættanlegur. SF-36 hafði gott samleitni- og aðgreiniréttmæti við viðmiðunarkvarða rannsóknarinnar auk þess sem hugsmíðaréttmæti kvarðans reyndist gott. Niðurstöður þáttagreiningar sýndu fram á þá tvo meginþætti sem fyrri rannsóknir hafa sýnt fram á, það er líkamlegan og andlegan þátt heilsu, og komu þeir skýrt fram í báðum úrtakshópum. Að lokum kom í ljós að SF-36 kvarðinn er gagnlegur til að greina á milli ólíkra hópa en heilsutengd lífsgæði virtust að meðaltali vera betri hjá háskólanemendum samanborið við sjúklinga.

Birting
19.5.2011


Skrár
NafnHækkandiStærðRaðanlegtAðgangurRaðanlegtLýsingRaðanlegtSkráartegund
Lokaverkefni_SF-36... .pdf1,5MBOpinn Heildartexti PDF Skoða/Opna