ÍslenskaenEnglish

Aðilar að Skemmunni

Leit eftir:


LokaverkefniHáskóli Íslands>Heilbrigðisvísindasvið>Meistaraprófsritgerðir>

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/8655

Titill

Stutt inngrip innan skólans: Athugun á árangri HAM hópmeðferðar fyrir bráðlynd börn

Útgáfa
Maí 2011
Útdráttur

Flest reiðistjórnunarnámskeið sem eru ætluð börnum eru yfirgripsmikil og henta því oft ekki þeim fjölbreytta hópi barna sem sýnir skapbresti í skólanum.
Tilgangur rannsóknarinnar var að athuga árangur af stuttri skólamiðaðri hópmeðferð fyrir bráðlynd börn, án tillits til greiningar. Úrræðið var fyrst og fremst hugsað sem snemmtæk íhlutun áður en vandinn yrði of mikill eða úrræði fyrir þau börn sem biðu greiningar. Úrræðið er hópmeðferð sem dr. Urður Njarðvík hefur þróað síðastliðin 10 ár og byggir á aðferðum hugrænnar atferlismeðferðar.
Þátttakendur voru 80 börn á aldrinum 7-11 ára sem voru í 2.-5. bekk grunnskóla. Meðalaldur barna var 9,17 ár. Stúlkur voru 12 talsins og drengir 68. Þátttakendunum var skipt tilviljunarkennt í tvo hópa, tilraunahóp og saman-burðarhóp. Árangur var mældur með spurningalistum sem voru lagðir fyrir foreldra og umsjónarkennara barnanna fyrir meðferð, eftir meðferð og 6 mánuðum eftir að meðferð lauk. Í rannsókninni voru notaðir þrír spurningalistar; 1) Spurningar um styrk og vanda, 2) Mótþróakvarðinn og 3) Ofvirknikvarðinn. Unnið var úr gögnum 67 barna, 36 í tilraunahópi og 31 í samanburðarhópi
Niðurstöður sýna að stutt inngrip í skóla getur verið árangursrík leið til að bæta hegðun barna sem eiga erfitt með að stjórna skapi sínu. Að mati kennara minnkaði hegðunarvandi, mótþrói og skapofsi umtalsvert í skólanum eftir meðferð og var munurinn milli hópa marktækur. Árangur barna að mati foreldra kom ekki fram fyrr en við 6 mánaða eftirfylgd. Áhrifin komu skýrar fram í skólanum, líklega vegna þess að meðferðin einblínir að mestu á samskipti við jafnaldra, viðbrögð við stríðni og mótlæti í skólanum frekar en inni á heimilinu. Meðferðarúræðið hentaði betur yngri börnunum (2. og 3. bekk) en eldri börnum (4. og 5. bekk). Foreldraviðtöl virðast ekki hafa marktæk áhrif á árangur meðferðarinnar.

Birting
23.5.2011


Skrár
NafnHækkandiStærðRaðanlegtAðgangurRaðanlegtLýsingRaðanlegtSkráartegund
MS ritgerð - Hrönn... .pdf2,12MBLokaður Heildartexti PDF