Þjónusta við börn með einhverfu: Athugun á ánægju foreldra með þjónustuna

Abstract

Tilgangur rannsóknarinnar var að athuga ánægju foreldra með þjónustu við börn með einhverfu, hvaða meðferð skapi mestu ánægjuna og hvort ánægja hafi áhrif á álag á fjölskylduna. Þetta er fyrsta rannsókn sinnar tegundar á Íslandi svo vitað sé til. Útbúin var rafræn könnun sem send var til allra meðlima í Umsjónarfélagi einhverfra. Þátttakendur voru 106 foreldrar barna á aldrinum 0-12 ára sem greind eru með einhverfu. Niðurstöðurnar voru í samræmi við rannsóknir frá Bandríkjunum, foreldrar voru ánægðari með atferlisþjálfun heldur en TEACCH. Það er þó ekki vegna þess að foreldrar eyði meiri tíma í atferlisþjálfun heldur er eitthvað annað sem veldur ánægjunni. Þrátt fyrir að meiri ánægja ríki með atferlisþjálfun voru foreldrar barna í atferlisþjálfun með meiri áhyggjur af framtíð barna sinna heldur en foreldrar barna í TEACCH.