is Íslenska en English

Lokaverkefni (Bakkalár)

Listaháskóli Íslands > Hönnunar- og arkitektúrdeild / Department of Design and Architecture > Ritgerðir til BA-gráðu / BA theses (BA) >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/8760

Titill: 
  • Mörkun : frá stefnumótun á markað
Námsstig: 
  • Bakkalár
Leiðbeinandi: 
Útdráttur: 
  • Mark (Brand) er huglægt fyrirbæri. Það er stakt orð eða setning sem kallar fram tiltekið vörumerki í hugum neytenda. Ferlið sem skapar markið er kallað mörkun (Branding). Mark sem fyrirtæki á í hugum neytenda er loforð. Toyota er loforð um frábæra endingu og lága bilanatíðni, Volvo er loforð um öryggi. Loforðið er staðfæring vörumerkis og það sem aðgreinir það frá öðrum á markaði. Stefnumótun, markaðssetning, hönnun og almannatengsl eru hluti af mörkunarferlinu. Stefnumótun hjálpar til að ljá vörkumerkjum rödd og koma rekstri og markaðssetningu í takt. Neytendur kjósa mörk sem auðvelt er að skilgreina og því er mikilvægt að finna sterka og einfalda staðfæringu sem aðgreinir vöruna eða þjónustuna úr samkeppni. Þessi staðfæring þarf að vera hluti af öllu sem vörumerkið gerir og ætti að knýja áfram öll ferli.
    Markaðssetning ætti fyrst og fremst að byggjast á mörkun en margir byggja hana enn á sölu. Allar auglýsingar, hönnun og almannatengsl ættu að vera í forsvari fyrir eiginlega staðfæringu vörumerkja. Mörkun skapar tengsl við neytendur og það eru þessi tengsl sem búa til verðgildi vörumerkjanna.
    Neytendur verða fyrir miklu áreiti og eyða sífellt minni tíma í að skoða markaðsefni fyrirtækja, það verður því að vera einfalt, skýrt, auðþekkjanlegt og vekja athygli strax á fyrstu sekúndum lesturs eða áhorfs.
    Hönnun vöru eða þjónustu þarf eins og allt annað í rekstri fyrirtækja að vera í takt við staðfæringuna. Hún þarf að henta tilteknum markhópi og standa við loforðið. Það versta sem Volvo getur gert er að framleiða bíla sem standast ekki öryggiskröfur og það sem rýrir Toyota vörumerkið gæðum eru Toyota-bílar sem bila.
    Stefna vörumerkja þarf að vera skýr og stjórnendur verða að gæta þess að fara ekki út fyrir þann ramma sem neytendur skilgreina vörumerkin innan.

Samþykkt: 
  • 26.5.2011
URI: 
  • http://hdl.handle.net/1946/8760


Skrár
Skráarnafn Stærð AðgangurLýsingSkráartegund 
Lokaritgerd.pdf2.25 MBOpinnHeildartextiPDFSkoða/Opna