Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/891
Samruni og útrás íslensku bankanna hafa verið áberandi í íslenskum fjármálamarkaði á undanförnum árum.
Greindar eru mismunandi tegundir samruna eftir því hvort fyrirtæki efla núverandi starfsemi með samruna fyrirtækja í samkeppni eða fara inn á ný svið. Greinarmunur er gerður á ólíkum hvötum samruna og árangur skoðaður í ljósi markmiða.
Útrás má greina eftir mismunandi stefnumörkun og sömuleiðis með hliðsjón af ólíkum hvötum til útrásar.
Mikil breyting hefur orðið á íslenskri bankastarfsemi á síðustu 15 árum. Breytingarnar eiga rót að rekja til aukins viðskiptafrelsis og þróunar fjármálamarkaðarins frá pólitískt miðstýrðu bankakerfi til markaðsvæðingar með frjálsri verðmyndun og vaxtafrelsi. Á annan tug stærri og minni banka og sjóða hafa sameinast í þrjá banka.
Samruni íslensku bankanna var forsenda útrásar þeirra og öflugs vaxtaskeiðs heima og erlendis. Í öllum meginatriðum virðast markmið og stefna stjórnenda hafa náðst hvað varðar hagræðingu annarsvegar og vöxt á nýjum mörkuðum hinsvegar. Útrásarstefnan var á markaði með skyldri menningu þeirri íslensku þar sem unnt er að byggja á þekkingu og menningu sem bankarnir þekkja. Stefna þeirra hefur því fremur verið fjölþjóðleg en hnattræn en vísbendingar koma fram um að í framtíðinni muni þeir þróa stefnu sína í þá átt.
Lykilorð:
Samruni – Útrás – Stefna – Fjármálamarkaður – Hagkvæmni - Ávinningur
Skráarnafn | Stærð | Aðgangur | Lýsing | Skráartegund | |
---|---|---|---|---|---|
samruniogutras.pdf | 638.09 kB | Opinn | Skoða/Opna |