Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/9243
Flutningur milli skólastiga er mikilvæg tímamót í lífi barns og fjölskyldu þess og hefur miklar breytingar í för með sér. Í þessari ritgerð verður fjallað um hvað skiptir máli við flutninginn úr leikskóla í grunnskóla og er það skoðað út frá þremur sjónarhornum, barna, foreldra og kennara. Gerð er grein fyrir fáeinum hugtökum sem tengjast skilunum á milli skólastiganna ásamt því að skýrt er frá hugmyndum fræðimanna um tengslin milli skólastiga. Áherslur Aðalnámskráa leik- og grunnskóla verða skoðaðar og bornar saman ásamt því að fjallað verður um drög væntanlegra Aðalnámskráa í samanburði við núgildandi námskrár. Skoðaðar verða rannsóknir á viðhorfum barna, foreldra og kennara til flutningsins milli skólastiga. Niðurstöður þeirra leiða í ljós að börn gera skýran greinarmun á leik- og grunnskólum. Börnin ásamt foreldrunum kvíða væntanlegri skólagöngu og að takast á við óþekktar aðstæður. Það er því hlutverk kennara að leita leiða til þess að stuðla að samfellu og samvinnu milli skólastiganna þannig að bæði börn og foreldrar upplifi flutninginn á jákvæðan hátt.
Skráarnafn | Stærð | Aðgangur | Lýsing | Skráartegund | |
---|---|---|---|---|---|
Lokaskil_B Ed _AR_2011.pdf | 269.05 kB | Opinn | Heildartexti | Skoða/Opna |