is Íslenska en English

Lokaverkefni (Meistara)

Háskólinn á Akureyri > Heilbrigðisvísindasvið > Meistaraprófsritgerðir >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/9370

Titill: 
  • Aðstæður ungs fólks í Fjölsmiðjunni á Akureyri
Námsstig: 
  • Meistara
Útdráttur: 
  • Vísbendingar eru um að félagsleg staða ungmenna utan framhaldsskóla sé lakari en þeirra sem stunda nám í framhaldsskólum. Tölur um atvinnuleysi ungs fólks, örorku og brottfall úr framhaldsskólum benda til þess. Tilgangur rannsóknarinnar var að fá innsýn í líf og aðstæður ungs fólks 16-20 ára sem vinnur í Fjölsmiðjunni á Akureyri. Kannað var hvaða leiðir það notar til þess að takast á við líf sitt og aðstæður og hvaða stuðningur þeim finnst nýtast sér best. Rannsóknin fór fram með blönduðu rannsóknarsniði, innfellingarsniði (embedded design). Gagnaöflun fór fram með viðtölum sem byggðu á viðtalsramma og á spjörunarkvarðanum, Measure of Adolescent Coping Strategies (MACS). Við úrvinnslu gagna var stuðst við vinnulag grundaðrar kenningar og lýsandi tölfræði. Þátttakendur voru 16 – 20 ára ungmenni í Fjölsmiðjunni á Akureyri, alls tóku 12 þátt í rannsókninni. Ungmennin fengu lítinn stuðning í uppvextinum. Mörg fengu ekki nauðsynlega aðstoð í skólanum og einelti var áberandi. Valdaleysi ungmennanna var eins og rauður þráður í gegnum frásagnir þeirra. Vanlíðan og uppsöfnuð reiði var áberandi ásamt tengslaleysi við fjölskyldu. Ungmennin lýstu töluverðum geðrænum vandamálum og sértækum erfiðleikum s.s. lesblindu, ofvirkni og athyglisbresti. Áfengisneysla og reykingar virtust vera almennar auk töluverðrar fíkniefnaneyslu. Algengt var að ungmennin lýstu eigin stjórnleysi sem birtist í ofbeldi. Ungmenni í Fjölsmiðjunni sleppa fram af sér beislinu í ríkara mæli en almennt er meðal íslenskra unglinga. Fjölsmiðjan nýttist flestum vel en nokkrum síður. Þótt flestir geri ráð fyrir að stofna fjölskyldu telja nokkrir að þeir muni ekki eignast börn og sumir hafa enga framtíðarsýn. Þó voru mörg jákvæð og bjuggu yfir styrkleikum s.s. listrænum hæfileikum og áhugamálum. Helstu ályktanir eru þær að hjálparkerfið þarf að koma fyrr og markvissar að barnafjölskyldum í vanda og vinnubrögð og úrræði þarf að endurskoða. Öll þjónusta við börn og ungmenni þarf að hafa valdeflandi nálgun að leiðarljósi. Leggja þarf áherslu á að efla Fjölsmiðjuna.
    Lykilhugtök: ungmenni, valdefling, spjörun, skjólstæðingsmiðuð þjónusta, starfsendurhæfing.

  • There are indications that the social circumstances of adolescents outside secondary schools are poorer than the circumstances of those who are enrolled in secondary schools. Statistics regarding unemployment among young people, disability and secondary school dropouts point to the same. The aim of the study was to get an insight into the life and circumstances of young people between 16 and 20 years of age who work in Fjölsmiðjan á Akureyri (Akureyri Workshop for Young People). This was done by gathering information regarding how they are doing in life, how they cope with their situations and what they think might be of help for them. The study was conducted by using mixed methods, embedded design. Data was collected with qualitative interviews built on an interview guide and the coping instrument, Measure of Adolescent Coping Strategies (MACS). Data processing was based on grounded theory and descriptive statistics. The 12 study participants were 16 to 20 year old youths who all worked in Fjölsmiðjan á Akureyri. These youths received little support while growing up, many did not receive the necessary assistance in school and bullying was a common factor. The powerlessness of the participants was very evident in their stories, indisposition, bottled-up anger and weak family ties were also commonly described. The youths described considerable mental health issues together with specific problems such as dyslexia and Attention Deficiency / Hyperactivity Disorder (ADHD). Alcohol abuse and smoking, together with considerable drug abuse was commonly described. Often, the individuals described lack of control which often materialised in violence. The young people in Fjölsmiðjan are more likely to party hard and go too far while doing so than what is typical among Icelandic adolescents. Most of the participants made good use of their work in Fjölsmiðjan, a few not so good. Although most expect to raise a family in the future, some do not expect to have children and a few can not visualise their own future at all. Despite that, many were optimistic because they had strengths such as artistic talents and specific hobbies. The main conclusions are that systematic help must arrive sooner for families with children in trouble, procedures and solutions must be reviewed. All service for children and young people must have empowerment as a guiding light, this also applies to Fjölsmiðjan á Akureyri who needs to be supported in this regard.
    Key Concepts: Adolescents, Empowerment, Coping, Client-centred Service, Vocational rehabilitation.

Samþykkt: 
  • 22.6.2011
URI: 
  • http://hdl.handle.net/1946/9370


Skrár
Skráarnafn Stærð AðgangurLýsingSkráartegund 
Fjölsmiðjan - Efnisyfirlit.pdf12.3 kBOpinnEfnisyfirlitPDFSkoða/Opna
Fjölsmiðjan - Fylgiskjöl.pdf112.06 kBOpinnViðaukiPDFSkoða/Opna
Fjölsmiðjan - Heimildaskrá.pdf40.68 kBOpinnHeimildaskráPDFSkoða/Opna
Fjölsmiðjan - Lokaskjal.pdf658.84 kBOpinnGreinargerðPDFSkoða/Opna