Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/9382
Í ritgerðinni er fjallað um mikilvægi tónlistar fyrir börn í leikskóla og rannsókn sem gerð var meðal stjórnenda og tónlistarkennara í sameinuðum skóla. Sameinaðir voru fjórir skólar; tveir grunnskólar, tónlistarskóli og leikskóli. Viðtalsrannsókn var gerð í mars 2011. Tvö ár eru síðan skólarnir voru sameinaðir og reynsla stjórnendanna og kennaranna mislöng. Leitast var við að skoða hvort það fagmenntaða tónlistarfólk sem vinnur í tónlistar- eða grunnskóladeildum skólans gæti nýst í leikskóladeildinni líka þar sem nú eru þetta allt deildir innan sama skólans.
Helstu niðurstöður rannsóknarinnar eru þær að þrátt fyrir hindranir sem gætu staðið í vegi fyrir framkvæmdinni, eru tónmennta- og tónlistarkennarar almennt jákvæðir gagnvart því að kenna líka við leikskóladeildina. Þeim þætti það spennandi verkefni, áhugavert og krefjandi.
Skráarnafn | Stærð | Aðgangur | Lýsing | Skráartegund | |
---|---|---|---|---|---|
Falinn fjarsjodur_Lokaverkefni_Gudrun_Kristinsdottir2.pdf | 313.34 kB | Opinn | Heildartexti | Skoða/Opna |