ÍslenskaenEnglish

Aðilar að Skemmunni

Leit eftir:


LokaverkefniHáskólinn á Akureyri>Hug- og félagsvísindasvið>B.A./B.Ed. verkefni>

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/945

Titill

Athyglisbrestur og meðferðarúrræði til handa börnum

Útdráttur

Eftirfarandi verkefni er unnið sem lokaverkefni til B.Ed. prófs við kennaradeild Háskólans á Akureyri á vormisseri 2004. Markmið verkefnisins er tvíþætt annars vegar að skoða meðferðarúrræði fyrir börn sem greinst hafa með athyglisbrest með eða án ofvirkni og hins vegar að skoða hvaða skilning foreldrar leggja í hugtakið ofvirkni.
Í verkefninu er ýmist notað hugtakið athyglisbrestur með eða án ofvirkni eða hugtakið ofvirkni og það skilgreint. Einkennum barna með athyglisbrest með eða án ofvirkni er lýst. Fjallað er um hvaða orsakir geta legið að baki ofvirkni og skoðaðar eru rannsóknir sem gerðar hafa verið á ofvirkum börnum og áhrif og afleiðingar.
Fjallað er um greiningu ofvirkra barna og hvaða þroskaþættir eru skoðaðir þegar greining á sér stað og þau greiningarviðmið sem stuðst er við. Þáttur leikskólans og heilsugæslunnar í ferlinu eru skoðaðir og hvernig samvinnu þessara aðila er háttað.
Komið er inn á þau úrræði sem eru í boði fyrir börn sem greinst hafa með ofvirkni og hvernig hægt er að bæta sjálfsmynd, félagsfærni og námsörðugleika þeirra.
Gerð var rannsókn með því að taka viðtöl við foreldra sex ofvirkra barna til að fá upplýsingar um hvaða meðferðarúrræði stæðu börnum þeirra til boða. Áhersla var lögð á að kanna hvaða úrræði eru til staðar fyrir börn, hvernig upplýsingar um ofvirkni skili sér til foreldra og hversu meðvitaðir foreldrar eru um þá röskun sem felst í ofvirkni.
Helstu niðurstöður rannsóknarinnar sýndu að foreldum þykir ekki ýkja mörg úrræði sérstaklega ætluð ofvirkum börnum, að foreldrar nýttu sér mismikið meðferðarúrræði sem eru í boði fyrir ofvirk börn og að foreldrar hafa takmarkaða vitneskju um ofvirkni.
Í rannsókninni kom í ljós að mjög mikilvægt er að veita fjölskyldum barna sem greinst hafa með athyglisbrest með eða án ofvirkni meiri aðstoð vegna þeirra áhrifa, afleiðinga og álags sem ofvirkni barnsins hefur á fjölskylduna.

Athugasemdir

Verkefnið er opið nemendum og starfsfólki Háskólans á Akureyri

Birting
1.1.2004


Skrár
NafnRaðanlegtStærðRaðanlegtAðgangurRaðanlegtLýsingRaðanlegtSkráartegund
athyglisbr-e.pdf94,6KBOpinn Athyglisbrestur og meðferðarúrræði til handa börnum - efnisyfirlit PDF Skoða/Opna
athyglisbr-h.pdf136KBOpinn Athyglisbrestur og meðferðarúrræði til handa börnum - heimildaskrá PDF Skoða/Opna
athyglisbr-u.pdf99,3KBOpinn Athyglisbrestur og meðferðarúrræði til handa börnum - útdráttur PDF Skoða/Opna
athyglisbr.pdf965KBTakmarkaður Athyglisbrestur og meðferðarúrræði til handa börnum - heild PDF