Um samfellu í náttúrufræðinámi : hugmyndir og vangaveltur um leiðir til úrbóta

Abstract

Í þessari ritgerð eru reifaðar 7 hugmyndir til breytinga á náttúrufræðikennslu grunnskóla sem hafa það að markmiði að auka samfellu í náminu. Hugtakið samfella í námi er rætt og er aðallega notast við hugmyndir John Dewey í því sambandi en einnig er stuðst við hugmyndir Kolbs um námshringi. Þær breytingatillögur sem lagðar eru fram skiptast í 3 flokka. Flokkarnir eru kerfisbreytingar, breytingar á kennslutilhögun og breytingar á námsefni. Með kerfisbreytingum er meðal annars átt við breytingar á skólaumhverfinu þannig að bekkir hafa sama náttúrufræðikennarann fyrir langt tímabil. Með breytingum á kennslutilhögun er átt við breytingar sem einstaka kennari getur framkvæmt í sinni eigin kennslu og með breytingum á námsefni er átt við hverskyns breytingum sem verða á þeim, til dæmis að leggja nær alveg námsbókunum. Öllum tillögunum er ætlað að hjálpa til við að auka samfelluna í námi nemenda milli reynslu þeirra og námsefninsins.