Tómstundir aldraðra í nútíð og framtíð

Abstract

Þessi ritgerð er um efri árin, ævilíkur, aldursbreytingar, viðhorf til aldraðra og helstu kenningar um öldrun. Megininntak ritgerðarinnar er að benda á mikilvægi tómstunda, sem ýmsir telja vera einn af þremur þýðingarmestu þáttum lífsins, hinir eru vinnan og símenntun eða endurmenntun. Það kemur fram í ritgerðinni að menn eru ekki á einu máli um upphaf tómstunda, en flestir eru sammála um að tómstundastörf og áhugamál séu manninum afar mikilvæg og stuðli að bættri andlegri og líkamlegri heilsu. Í seinni hluta ritgerðarinnar er fjallað um árin eftir starfslok. Minnst er á aðdraganda að stofnun Félaga eldri borgara og starfsemi þeirra. Skipulögðu tómstunda- og félagsstarfi sveitarfélaga eru gerð skil, svo og tómstunda- og félagsstarfi á dvalar- og húkrunarheimilum og kannað hvaða starfsstéttir sinna þeim störfum. Að lokum er horft til framtíðar og varpað fram hugmynd um menningarhús eða fjölmenningarhús, sem gætu orðið miðstöð tómstunda- og félagsstarfs, nokkurs konar menningar- og fræðasetur með áherslu á að kynna menningu, líf og störf eldri kynslóðarinnar fyrir námshópum, með sérstakri áherslu á frumkvæði og þátttöku notenda í starfseminni í samvinnu við yfirstjórn.