is Íslenska en English

Lokaverkefni (Bakkalár)

Háskóli Íslands > Menntavísindasvið > B.A./B.Ed./B.S. verkefni - Menntavísindasvið >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/9619

Titill: 
  • Heilsuhópurinn : Hreyfiíhlutun
  • Heilsuhópurinn : matardagbók, hreyfidagbók
Námsstig: 
  • Bakkalár
Útdráttur: 
  • Ofþyngd og offita eykst á heimsvísu og á meðan eykst eftirspurn eftir meðferðarúrræðum fyrir þá sem glíma við offitu. Heilsuhópurinn er meðferðarúrræði fyrir börn og unglinga (13-16 ára) sem glíma við offitu og aðstandendur þeirra.
    Markmið rannsóknarinnar var að skoða áhrif sex vikna hreyfiíhlutunar hjá Heilsu-hópnum á daglega virkni, viðhorf og áhuga þátttakenda til hreyfingar.
    Þátttakendur (n=6) eru unglingsstúlkur í ofþyngd og með offitu. Mælingar á þoli og virkni fóru fram í upphafi og í lok íhlutunar með sex-mínútna gönguprófi og með skrefmælum. Þátttakendur skráðu daglega hreyfingu í Hreyfidagbók með það markmið að uppfylla ákveðin hreyfimarkmið.
    Niðurstöður benda til bætingar á þoli helmings þátttakenda út frá hjartsláttarmælingum þar sem þeir gengu jafnlangt, eða lengra, á minni hlutfallslegri ákefð en áður. Breytingar gætu þó tengst annarri hreyfingu hjá hluta þátttakenda. Breyting á þoli er óljós hjá öðrum þátttakendum. Samkvæmt skrefamælingum jókst virkni þriggja þátttakenda en dró úr virkni hinna þriggja. Breytingar á virkni er ekki hægt að lesa út úr skráningu. Skráning í Hreyfidagbókina var í flestum tilfellum ófullnægjandi. Út frá því má draga ályktanir um áhugaleysi þátttakenda á bókinni.
    Almennt einkenndist viðhorf þátttakenda af áhugaleysi og virkni í daglegu lífi var langt frá æskilegum mörkum. Því er mikilvægt að halda áfram að þróa úrræði sem þetta með það í huga að auka áhuga þátttakenda á hreyfingu, að ýta undir meiri virkni í daglegu lífi og að kenna þeim að bera ábyrgð á eigin lífi og heilsu. Frekari rannsókna á ágæti úrræða sem þessa er þörf.

  • Útdráttur er á ensku

    Obesity is increasing worldwide and demand for treatment for those who struggle with it is mounting. Heilsuhópurinn is a treatment for children and adolescents (13-16 years old), who struggle with obesity, and their families.
    The aim of this study was to examine the effects of a six-week intervention on daily activity, attitudes and interests of participants towards exercise.
    Participants (n = 6) are overweight (BMI >25) or obeses (BMI > 30) adolescent girls. Physical performance and daily activity measures were carried out at the beginning and at the end of the intervention with a six-minute walk test (6MWT) and a pedometer. The participants registered daily physical activity while trying to achieve a certain goal for minimum activity.
    Results indicate improved cardiorespiratory fitness by half the participants as distance from 6MWT was the same, or increased, as relative exertion decreased. However, external influences may account for these improvements in some of the particapants. Change in cardiorespiratory fitness is unclear in other participants.
    Pedometers measurements indicated increased activity with three of the subjects but reduced activity with the other three. Changes in activity can not be estimated from the PA diary. Registration in PA diary was in most cases inadequate. This may lead to the conlusion that the participant´s lack of interest in the PA diary caused the insufficiency regarding it.
    In general the participant´s attitude described low interest and physical activity in daily life was insufficient. Therefore it is important to continue developing a treatment that encourages participants to be more physically active and to develop an interrest in PA. It should also emphasize more responsibility concerning ones live and health. Further studies on the subject is needed.

Samþykkt: 
  • 29.6.2011
URI: 
  • http://hdl.handle.net/1946/9619


Skrár
Skráarnafn Stærð AðgangurLýsingSkráartegund 
Lokaritgerð - vinnuskjal (lokaskjal).pdf677.03 kBLokaðurHeildartextiPDF
Forsíða(lokaverkefni).pdf30.9 kBOpinnForsíðaPDFSkoða/Opna
Baksíða.pdf46.08 kBOpinnBaksíðaPDFSkoða/Opna