Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/9774
Komið hefur í ljós að í aðdraganda bankahrunsins í október 2008 höfðu nokkrir helstu bankar landsins veitt töluvert af lánum, fyrir háar upphæðir, til kaupa í hlutabréfum í sjálfum sér.
Mörg þessara lána voru þannig útfærð að lánað var fyrir allri upphæðinni og einu veðin sem tekin voru fyrir lánveitingunni voru hlutabréfin sjálf sem keypt voru. Í þessari ritgerð verður
skoðað hvort lánveitingar af þessu tagi geti talist sem markaðsmisnotkun í skilningi 1. mgr. 117. gr. laga um verðbréfaviðskipti nr. 108/2007 (vvl.). Til þess að svara þeirri spurningu verður meðal annars notast við leiðbeiningar CESR sem og tilskipanir Evrópusambandsins og verður fjallað um þá háttsemi sem þar er talin falla undir markaðsmisnotkun og kannað hvort
að þær lánveitingar sem um ræðir geti fallið undir þá háttsemi og þar af leiðandi fallið undir 1.mgr. 117. gr.
Séu slík viðskipti, sem hér um ræðir, stunduð í miklum mæli geta þau farið að gefa ranga eða misvísandi mynd af verði fjármálagerninganna og myndu þar af leiðandi teljast brot í skilningi a-liðar 1. tölul. 1. mgr. 117. gr. vvl.
Skráarnafn | Stærð | Aðgangur | Lýsing | Skráartegund | |
---|---|---|---|---|---|
Magnús_Filip_2311833299_BS_ritgerð.pdf | 150.71 kB | Opinn | Heildartexti | Skoða/Opna |