is Íslenska en English

Lokaverkefni (Meistara)

Háskólinn í Reykjavík > Samfélagssvið / School of Social Sciences > ML Lagadeild / Department of Law >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/29603

Titill: 
  • Umgengnisréttur barna í fóstri - Tekur hann mið af meginreglunni um það sem barni er fyrir bestu?
Námsstig: 
  • Meistara
Leiðbeinandi: 
Útdráttur: 
  • Útdráttur er á ensku

    Tilgangur ritgerðarinnar er að rannsaka hvort tekið sé mið af meginreglunni um það sem barni er fyrir bestu þegar ákvörðun er tekin um umgengnisrétt barna í fóstri við foreldra og aðra nákomna og hvort úrbóta sé þörf. Rannsóknarspurning er eftirfarandi: „Er tekið mið af meginreglunni um það sem barni er fyrir bestu þegar ákvörðun er tekin um umgengnisrétt barna í fóstri við foreldra og aðra nákomna?“ Gerð er grein fyrir hvernig réttarumhverfið er sem lýtur að gagnkvæmum rétti til umgengni þegar barn er í fóstri. Þá er fjallað nokkuð ítarlega um meginregluna um það sem barni er fyrir bestu til þess að geta svarað rannsóknarspurningunni. Höfundi þótti jafnframt nauðsynlegt að taka viðtöl við starfsfólk barnavernda enda er það starfsfólkið sem stendur þessum málum næst. Eins voru úrskurðir sem fallið hafa um málefnið, yfir tímabilið janúar 2012 til nóvember 2017 skoðaðir. Markmiðið var að athuga að hve miklu leyti fallist er á úrskurði barnaverndarnefnda um umgengni og hvað ylli því þegar svo var ekki. Helstu niðurstöður höfundar eru að tekið sé mið af meginreglunni um það sem barni er fyrir bestu við ákvörðun um umgengni er barn er í fóstri. Höfundur telur þó gagnrýnisvert að starfsfólk barnavernda hafi ekki verið kynnt að ráði almenn athugasemd nr. 14 um rétt barnsins til að allar ákvarðanir sem varða það séu byggðar á því sem því er fyrir bestu. Athugasemdina gaf Barnaréttarnefnd út árið 2013 til þess að skýra og veita nánari leiðbeiningar um hvað felst í hugtakinu um það sem barni er fyrir bestu. Þá telur höfundur að úrbóta sé þörf þegar kemur að því hverjir aðrir en foreldrar geti farið fram á að ákvörðun sé tekin um hvort þeir eigi umgengnisrétt við barn í varanlegu fóstri. Höfundur leggur því til breytingar hvað það varðar.

  • The objective of this thesis is to analyse, when decisions are made concerning parents’ and close relatives’ right of access to children in foster care, whether note is taken of the child’s best interests principle, and whether improvements need to be made. The hypothesis is the following: “Is note taken of the child’s best interests principle when decisions are made regarding the right of access between children in foster care and their parents and other close relatives?” The legal framework around the mutual right of access pertaining to children in foster care is analysed. A detailed account is given of the child’s best interests principle, to shed a brighter light on the hypothesis. The author also felt it would be helpful to interview people who work in child protection; the people who deal with these matters on a daily basis. Rulings on the matter, from January 2012 to November 2017, are also examined with the objective of determining to what extent the decisions of child protection committees on the right of access, are confirmed, and which reasons were given in the cases they were not confirmed. The main findings of the author are that note is indeed taken of the child’s best interests principle in decisions on the right of access concerning children in foster care. However, the author is critical of the fact that employees working in the field of child protection have not been adequately familiarised with the General Comment No. 14 on the right of the child to have his or her best interests taken as a primary consideration. The comment was made by the Committee on the Rights of the Child in 2013, to explain and provide guidelines on the comprehension of the term Child’s Best Interests. The author believes improvements are necessary concerning who other than parents can demand a decision on whether they have a right of access to a child in permanent foster care, and proposes changes in that respect.

Samþykkt: 
  • 15.2.2018
URI: 
  • http://hdl.handle.net/1946/29603


Skrár
Skráarnafn Stærð AðgangurLýsingSkráartegund 
ML ritgerð Vigdís Sigríður Jóhannsdóttir.pdf885.45 kBOpinnHeildartextiPDFSkoða/Opna