en English is Íslenska

Thesis University of Iceland > Hugvísindasvið > B.A. verkefni - Hugvísindasvið >

Please use this identifier to cite or link to this item: http://hdl.handle.net/1946/10154

Title: 
  • is Hamlet á hverfanda hveli. Epísk kvikmyndahefð, hnignandi heimsveldi og fjölmenningarsamfélög í kvikmynd Kenneths Branagh.
Submitted: 
  • June 2008
Abstract: 
  • is

    Í ritgerðinni er fjallað um kvikmynd Kenneths Branagh, Hamlet, sem gerð er eftir samnefndu leikriti Williams Shakespeare. Markmiðið er að sýna fram á hvernig Branagh notar kvikmyndaformið til að koma á framfæri nýrri túlkun á verkinu, með sérstakri áherslu á hlutverk Fortinbras. Ritgerðinni er skipt upp í fimm kafla, inngang, þrjá hluta meginmáls og niðurstöður. Í inngangskafla er sýnt hvernig Branagh notar þöglar innskotssenur til að draga fram mikilvægi Fortinbras og þar er varpað fram spurningum um leiðir Branaghs til að miðla efni leikritsins, sögulega staðsetningu myndarinnar og hvernig hann velur leikara til að draga fram hugmyndina um fjölmenningarsamfélag. Í öðrum kafla er greint hvernig Branagh reynir markvisst að staðsetja myndina innan epískrar kvikmyndahefðar hvað varðar lengd, umgjörð og leikaraval í því skyni að draga fram efnistengsl við hnignandi heimsveldi. Í þriðja kafla er unnið út frá sögulegri sviðsetningu myndarinnar á nítjándu öld og hvernig danska hirðin er tengd keisaradæminu Austurríki-Ungverjaland. Þessi sviðsetning skapar hugrenningartengsl við horfin heimsveldi og uppruna þjóðríkja nútímans, en Fortinbras verður táknmynd hins nýja tíma. Í fjórða kafla er greint hvernig Branagh skapar fjölmenningarsamfélag innan dönsku hirðarinnar og færð að því rök að í verkinu gæti misræmis milli nútímalegra hugmynda um fjölmenningu og þess veruleika sem Branagh dregur upp í kvikmynd sinni. Í niðurstöðukafla er farið yfir hvernig Branagh tekst til. Hin glæsilega umgjörð og söguleg sviðsetning heppnast vel og vísanir í hnignandi heimsveldi gefa myndinni áhugaverðan flöt. Þar sem Hamlet víkur frá hinni sögulegu umgjörð, til dæmis í fjölmenningarlegu leikaravali, er hins vegar eins og leikstjórann skorti sannfæringu og kjark til að fylgja því eftir og komast á leiðarenda. Tilraunir Branaghs til að skapa litblint samfélag ganga ekki upp heldur verður til lagskipt fjölmenningarsamfélag þar sem ströng hlutverkaskipting innan hirðarinnar endurspeglar ekki einungis stéttskipt samfélag fyrri alda heldur einnig misskiptingu alþjóðavædds nútíma þar sem allir eiga í viðskiptum en sumir eru þó jafnari en aðrir.

Accepted: 
  • Sep 27, 2011
URI: 
  • http://hdl.handle.net/1946/10154


Files in This Item:
Filename Size VisibilityDescriptionFormat 
BA-ritgerð.pdf827.1 kBOpenMeginmálPDFView/Open
Millisíður.pdf66.45 kBOpenForsíða, útdráttur, efnisyfirlitPDFView/Open