„Á meðan hjartað slær vil ég lofa þig.“ Er þörf fyrir kristilegu útvarpsstöðina Lindina í íslensku samfélagi?

Abstract

Sagt er frá hugsjónamanninum, trúboðanum og hómópatanum Arthur C. Gook og tilraunum hans til útvarpsreksturs á Íslandi á þriðja áratug síðustu aldar. Efni ritgerðarinnar er þó einkum kristilega útvarpsstöðin Lindin, fjölmiðlun, útvarp og könnun sem gerð var meðal hlustenda stöðvarinnar. Gerð er grein fyrir tilurðarsögu stöðvarinnar, hugsjónum og tilgangi með útvarpsrekstrinum. Vísað er í rannsóknir frá Ástralíu sem könnuðu hvort kristilegar útvarpsstöðvar hafi áhrif á samfélagið. Reynt er að komast að því hvort kristilega útvarpsstöðin Lindin hafi einhvern tilgang og áhrif í íslensku samfélagi. Niðurstöður könnunarinnar sem gerð var eru kynntar en með fyrirvara um að hún sé marktæk, vegna ónógrar þátttöku. Helst má skoða niðurstöðurnar sem ákveðna vísbendingu.