Ákvæði íslenskra gjaldþrotalaga og samanburður við 11. kafla bandarískra gjaldþrotalaga ásamt athugasemdum, de lege ferenda, um breytingar á íslenskum rétti

Abstract

Hér á eftir verður fjallað um úrræði skuldara til fjárhagslegrar endurskipulagningar skv. helstu ákæðum íslensks gjaldþrotaréttar og þau borin saman við ákvæði 11. kafla bandarískrar gjaldþrotalöggjafar. Verður umfjöllunin takmörkuð við greiðslustöðvun og nauðasamninga utan gjaldþrotaskipta og þá helst við þann mun sem má finna á löggjöfum ríkjanna. Dágóður munur er á löggjöf ríkjanna og setur höfundur fram athugasemdir um æskilegar breytingar á íslenskri gjaldþrotalöggjöf, sér í lagi hvaðvarðar atkvæðagreiðslu um samningsfrumvarp skuldara og hvaða áhrif ógreidd atkvæði hafa í íslenskum rétti m.v. gildandi rétt í Bandaríkjunum. Þá er einnig fjallað um aðkomu kröfuhafa að fjárhagslegri endurskipulagningu skuldara í gegnum svokallaðar kröfuhafanefndir og það afturhvarf sem varð á Íslandi með lögum nr. 21/1991 um gjaldþrotaskipti o.fl. er það varðar, þar sem aðkoma þeirra var takmörkuðtil muna.