is Íslenska en English

Lokaverkefni (Meistara)

Háskólinn á Bifröst > Félagsvísindadeild > Meistarverkefni í félagsvísindadeild (MA) >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/10328

Titill: 
  • "Það verður ekkert aftur snúið" : áhrif innleiðslu Byrjendalæsis í grunnskóla í Reykjavík á samvinnu, forystu og starfsþróun í skólanum
Námsstig: 
  • Meistara
Leiðbeinandi: 
Útdráttur: 
  • Viðfangsefni þessarar ritgerðar er rannsókn á innleiðslu Byrjendalæsis í grunnskóla í Reykjavík. Byrjendalæsi er tveggja ára þróunarverkefni sem miðar að því að efla læsikennslu út frá fræðilegum hugmyndum um læsi. Aðferðin er samvirk kennsluaðferð sem fyrst og fremst beinist að kennslu læsis í 1. og 2. bekk þar sem bein lestrarkennsla á sér stað.
    Rannsóknarspurningin sem lá til grundvallar var þessi:
    Á hvern hátt hefur innleiðsla Byrjendalæsis í grunnskóla í Reykjavík haft áhrif á samvinnu, forystu og starfsþróun á yngsta stigi skólans?
    Rannsóknin var eigindleg tilviksrannsókn og var gerð skólaárið 2010–2011. Gögnum var safnað með hálf-formgerðum einstaklings-viðtölum og með því að skoða gögn sem tilheyrðu innleiðslunni.
    Niðurstöður rannsóknarinnar benda til þess að kennarar sem tóku þátt í innleiðslunni hafi að mestu leyti náð tökum á þeirri kennslutilhögun sem felst í Byrjendalæsi en síður náð að tileinka sér þá samvinnu og forystu sem innleiðsla verkefnisins krefst. Niðurstaða rannsóknarinnar er einnig sú að festing þróunarverkefnisins sé fremur veik. Nauðsynlegt er fyrir stjórnendur skólans að meta stöðu verkefnisins og skapa tækifæri fyrir kennara, leiðtoga og stjórnendur til að marka nýtt upphaf og styrkja samvinnu og forystu innan hópsins.

Samþykkt: 
  • 5.12.2011
URI: 
  • http://hdl.handle.net/1946/10328


Skrár
Skráarnafn Stærð AðgangurLýsingSkráartegund 
Það verður ekkert aftur snúið.pdf850.42 kBOpinnHeildartextiPDFSkoða/Opna