en English is Íslenska

Thesis University of Iceland > Félagsvísindasvið > B.A./B.Ed./B.S. verkefni - Félagsvísindasvið >

Please use this identifier to cite or link to this item: http://hdl.handle.net/1946/10382

Title: 
  • is Eftirlit með fósturbörnum
Submitted: 
  • June 2012
Abstract: 
  • is

    Sú meginregla hefur verið við lýði hérlendis að forsjá barna skuli vera í höndum foreldra þeirra. Byggir reglan á þeim grunni að það sé börnum fyrir bestu að alast upp hjá kynforeldrum sínum. Af athugasemdum með frumvarpi því er varð að barnaverndarlögum nr. 80/2002 , má ráða að lögin eru byggð á því að fjölskylda barns gegni lykilhlutverki við uppeldi þess. Barnaverndarstarf er því fyrst og fremst miðað við að styrkja það hlutverk. Samkvæmt 1. gr. bvl. er það markmið laganna að tryggja að börn sem búa við óviðunandi aðstæður eða börn sem stofna heilsu sinni og þroska í hættu fái nauðsynlega aðstoð. Í því felst einkum, í samræmi við framangreinda grundvallarreglu, að reyna skal almenn úrræði til stuðnings viðkomandi fjölskyldu áður en gripið er til annarra og íþyngjandi úrræða. Nái foreldrar hins vegar ekki að tryggja velferð barna sinna er komið að barnaverndinni að grípa til úrræða til verndar þeim. Ráðstöfun barns í fóstur er dæmi um slíkt úrræði sem barnarverndaryfirvöld geta gripið til. Í því felst nánar tiltekið sértæk ráðstöfun sem einungis er beitt þegar mikill vandi steðjar að barni eða fjölskyldu þess.
    Barnaverndarnefndir á Íslandi sjá að stærstum hluta um framgang fósturmála sem upp koma og auk annarra barnaverndaryfirvalda sjá þær um eftirlit með aðbúnaði og líðan fósturbarna í vistun og umsjáraðilum þeirra. Um markmið eftirlits barnaverndarnefnda er fjallað í a. til d. liðum 1. mgr. 89. gr. a. bvl. og er því í fyrsta lagi ætlað að tryggja að fyrirkomulag úrræða og framkvæmd vistunar barna utan heimilis sé í samræmi við ákvæði laga, reglugerða, staðla og reglna samkvæmt ákvæðum laga þessara. Í öðru lagi er því ætlað að tryggja að ráðstöfun nái tilgangi sínum og að réttindi barna séu virt, í þriðja lagi að auka gæði úrræða og stuðla að umbótum og að lokum að safna upplýsingum um vistun barna utan heimilis, þörf fyrir úrræði, nýtingu, árangur og þróun.
    Í þessari ritgerð verður fjallað um fósturráðstafanir hér á landi og reynt að varpa ljósi á framkvæmd eftirlits barnaverndar með fósturbörnum með tilliti til lagabreytingar auk afstöðu fósturbarna til eftirlits. Í 2. kafla verður fjallað um mismunandi tegundir fósturs og fóstursamninga og í 3. kafla eru settar fram nokkrar tölulegar upplýsingar varðandi fósturbörn. Fósturforeldrar gegna mjög mikilvægu hlutverki við fósturráðstafanir og verða helstu skyldur þeirra og réttindi rakin í 4. kafla auk stuttrar umfjöllunar um umgengni kynforeldra. Fjallað verður um eftirlitsaðila í 5. kafla en í 6. kafla verður rætt um sjálfa framkvæmd eftirlits með fósturbörnum. Í 7. kafla verður gerð grein fyrir réttarstöðu fósturbarna og fjallað verður um reynslu þeirra af fóstri í 8. kafla. Að endingu verða helstu niðurstöður dregnar saman í kafla 9.

Description: 
  • is Útskrift júní 2013
Accepted: 
  • Dec 16, 2011
URI: 
  • http://hdl.handle.net/1946/10382


Files in This Item:
Filename Size VisibilityDescriptionFormat 
Eftirlit með fósturbörnum.pdf252.93 kBOpenMeginmálPDFView/Open
Forsíða_Rannveig.pdf90.88 kBOpenForsíðaPDFView/Open