Aðstaða kvenna í fangelsum á Íslandi

Abstract

Þessi ritgerð er lokaverkefni til B.A. prófs í félagsfræði við Háskóla Íslands. Hér verður fjallað um aðstöðu kvenna í fangelsum hér á landi. Femínískar kenningar gera grein fyrir að konur verða fyrir ójöfnuði vegna kyns síns, og að þær skulu öðlast sömu réttindi og tækifæri jafnt og karlar. Hlutfall kvenna í fangelsum er mjög lágt en þeim fer þó fjölgandi. Rúm 7% fanga sem ljúka afplánun hér á landi ár hvert eru konur. Helstu brot sem konur afplána fyrir eru auðgunarbrot þó eru fíkniefnabrotum að fjölga. Rannsóknir sýna að konur eiga almennt við meiri félags- og heilbrigðisvanda en karlar sem fremja afbrot. Konum hér á landi býðst einungis að afplána dóma sína í einu fangelsi á höfuðborgarsvæðinu, á meðan karlar geta afplánað í fimm fangelsum við mismunandi aðstæður. Aðstæður kvenna í fangelsum hér á landi eru ekki þær sömu og aðstæður karla, þar má nefna möguleika til vinnu, afþreyingar, staðsetningar og mismunandi vistunarúrræði.