Hugsanleg áhrif á íslensk sveitarfélög vegna inngöngu í Evrópusambandið

Abstract

Viðfangsefnið í þessari ritgerð er byggðastefna Evrópusambandsins og möguleg áhrif á íslensk sveitarfélög vegna inngöngu í Evrópusambandið. Finnland var sérstaklega skoðað og þá helst þær breytingar sem urðu á sveitarstjórnarstiginu þar í landi þegar Finnland gekk í ESB. Þetta er gert til þess að skerpa á þeim áhrifum sem íslensk sveitarfélög gætu mögulega orðið fyrir ef Íslendingar samþykkja aðildarsamning landsins við Evrópusambandið. Niðurstaðan í þessari ritgerð er sú að íslensk sveitarfélög yrðu fyrir áhrifum ef til inngöngu í ESB kæmi. Þetta yrðu þó að flestu leyti jákvæð áhrif þar sem stjórnsýslan yrði sjálfstæðari og alþjóðlegri. Sveitarfélög myndu einnig fá þátttökurétt í ákvarðanatökum í málefnum sveitarfélaga sem nú þegar hefur mikil áhrif á starf þeirra. Sveitarfélögin myndu fá aðgang að byggðasjóðum Evrópusambandsins og ættu þannig auðveldara með að fjármagna verkefni á sviði atvinnusköpunar og uppbyggingar á sínu svæði.