is Íslenska en English

Lokaverkefni Háskóli Íslands > Félagsvísindasvið > Meistaraprófsritgerðir - Félagsvísindasvið >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/10595

Titill: 
  • Aðildarumsókn Íslands að Evrópusambandinu og skuldavandi Evrópuríkja. Hafa hagsmunir Íslands breyst í ljósi skuldavandans á evrusvæðinu?
Leiðbeinandi: 
Skilað: 
  • Janúar 2012
Útdráttur: 
  • Markmið ritgerðarinnar er að svara spurningunni hvort skuldavandinn á evrusvæðinu geti leitt til aukinna efnahagslegra þvingana fyrir Ísland í tengslum við aðild að Evrópusambandinu (ESB) og upptöku á evru. Ritgerðin byggir á kenningu Peter J. Katzenstein, að smáríki taki þátt í Evrópusamvinnu til að draga úr efnahagslegum þvingunum vegna smæðar sinnar. Í fyrsta lagi er lagt mat á tiltekna efnahagslega þætti eins og vaxtastig, utanríkisviðskipti og gengisstöðugleika en ályktað er að þessir þættir hafi vegið þungt í þeirri ákvörðun stjórnvalda að sækja bæri um aðild að ESB og stefna að upptöku á evru. Niðurstaðan er að skuldavandinn á evrusvæðinu hafi ekki leitt til frekari efnahagslegra þvingana fyrir Ísland. Í öðru lagi er lagt mat á líkleg áhrif á stöðu Íslands gagnvart efndum á hinum svokölluðu Maastricht-skilyrðum í ljósi hertra reglna um útgjöld og fjárlagahalla með tilkomu nýs fjármálabandalags. Sú ályktun er dregin að slíkt fyrirkomulag hafi í för með sér að íslenskum stjórnvöldum reynist þyngra en áður að ná settum markmiðum Maastricht-skilyrðanna, og jafnframt halda þeim til lengdar. Hins vegar er erfitt að færa fyrir því rök að þær auknu skyldur sem aðildarríki sambandsins koma nú til með að gangast undir í tengslum við efnahags- og peningastefnuna leiði til frekari efnahagslegra þvingana fyrir íslensk stjórnvöld með hliðsjón af aðildarumsókninni að ESB og upptöku á evru.

Samþykkt: 
  • 13.1.2012
URI: 
  • http://hdl.handle.net/1946/10595


Skrár
Skráarnafn Stærð AðgangurLýsingSkráartegund 
Aðildarumsókn Íslands að Evrópusambandinu og skuldvavandi Evrópuríkja.pdf2.94 MBLokaður til...01.01.2020HeildartextiPDF