Starfsánægja: Tengsl starfsánægju við lífsánægju, frammistöðu í starfi og starfsmannaveltu

Abstract

Í þessari ritgerð er fjallað ítarlega um hugtakið starfsánægja og tengsl þess við lífsánægju, frammistöðu í starfi og starfsmannaveltu. Starfsánægja er skilgreind sem ánægjulegt eða jákvætt tilfinningaástand sem hlýst af mati einstaklings á starfi eða starfsreynslu. Fræðileg úttekt leiddi í ljós að tengsl starfs- og lífsánægju eru gagnkvæm og að hluta til skýrð út frá persónuleikaþáttum annars vegar og erfðaþáttum hins vegar. Einnig eru tengsl starfsánægju og frammistöðu í starfi meiri en fræðimenn höfðu áður talið auk þess sem aukin starfsánægja er talin geta dregið úr fjarvistum og starfsmannaveltu um 8-11% að meðaltali. Mælingar á starfsánægju eru þó ekki án vandkvæða því fjöldi fræðimanna gerir ekki greinarmun á almennri og sértækri starfsánægju í ritum sínum. Athuganir á frammistöðu í starfi hafa einnig hlotið mikla gagnrýni fyrir skort á aðgerðarbindingu og þar af leiðandi er ekki hægt að ganga út frá því að hugtakið sé notað á sama hátt í rannsóknum sem getur orðið til þess að niðurstöður rannsókna á sama efni verði ólíkar.