Styrkingar á timburbitum með stáli, glertrefjum og basalti

Abstract

Í verkefninu er verið að bera saman styrkingarefni fyrir timbur með rannsóknum og tilraunum. Styrkingarefnin eru stál, glertrefjar og basalttrefjar. Í fyrri hluta verkefnis er fjallað um efniseiginleika styrkingarefna og timburs. Þá eru skoðaðar fyrri rannsóknir sem gerðar hafa verið á styrkingarmöguleikum fyrir timbur. Einnig eru kynntir útreikningar fyrir samsett þversnið og efniseiginleika timburs. Í seinni hlutanum er farið yfir þær tilraunir sem gerðar voru og fjallað um niðurstöður þeirra.