en English is Íslenska

Thesis University of Akureyri > Viðskipta- og raunvísindasvið > B.S. verkefni >

Please use this identifier to cite or link to this item: http://hdl.handle.net/1946/1067

Title: 
  • is Samhæft árangursmat í Menntaskólanum á Akureyri
Abstract: 
  • is

    Lykilorð: Opinber Stjórnsýsla, Framhaldsskólar, Samhæft árangursmat, Stefnumótun, Sjálfsmat
    Markmið verkefnisins er að kanna notkunarmöguleika Samhæfðs árangursmats í opinberri stjórnsýslu og skoða hvaða ávinningi þetta stjórntæki getur skilað. Í verkefninu er tekið mið af aðstæðum framhaldsskóla og dæmi tekið frá Menntaskólanum á Akureyri. Kannað verður hvernig líkanið getur nýst skólanum í að verða við þeim kröfum sem til hans eru gerðar varðandi sjálfsmat og aðra tengda þætti.
    Umfjöllunin um Samhæft árangursmat er tengd þeim aðstæðum sem opinberar stofnanir búa við, þá sérstaklega framhaldsskólar, og skoðað er hvernig skólarnir gætu nýtt sér aðferðafræðina.
    Samanburður á þeim aðgerðum sem tíðkast hjá skólastofnunum um sjálfsmat uppfyllir í raun þær kröfur sem til starfseminnar eru gerðar en samt sem áður getur Samhæft árangursmat bætt um betur og hjálpað til við stjórnun skólans. Útgangspunktur Samhæfðs árangursmats er um margt ólíkur þeirri aðferðafræði sem notast við sjálfsmat í Menntaskólanum á Akureyri og verður að teljast að notkun líkansins muni reynast góð viðbót við núverandi aðferðir.
    Ljóst er að hin hefðbundna útfærsla Samhæfðs árangursmats þarfnast breytinga þegar henni er beitt á opinberar stofnanir. Þessi munur ræðst aðallega af þeim rekstraraðstæðum sem þessar stofnanir búa við en oft ákvarðast þær af ákveðnum lögum um starfsemina. Einnig er hlutverk þessara stofnana samfélagslegt og árangur í rekstri því ekki miðaður við fjárhagslega frammistöðu heldur frekar það víðtæka hlutverk sem stofnuninni er sett innan samfélagsins. Hlutverk framhaldsskóla er samfélagslegt og miðast við að þjónusta þá viðskiptavini sem tengjast skólunum, hvort sem um nemendur, hið opinbera eða háskóla er að ræða.
    Samhæft árangursmat er tiltölulega nýtt af nálinni og eru fyrirtæki
    og stofnanir í auknum mæli að kynna sér og nýta möguleika þess. Líkanið er hefur þá eiginleika að vera sérsniðið að hverju því fyrirtæki eða stofnum sem ákveður að taka það upp og því geta útfærslur á því verið mismunandi. Þó ætti ekki að þurfa að deila um notkunarmöguleika líkansins við stjórnun og ávinning sé það vel útfært og skuldbinding stjórnenda til staðar.

Description: 
  • is Verkefnið er opið nemendum og starfsfólki Háskólans á Akureyri
Accepted: 
  • Jan 1, 2003
URI: 
  • http://hdl.handle.net/1946/1067


Files in This Item:
Filename Size VisibilityDescriptionFormat 
samhaeftarang.pdf397.06 kBMembersSamhæft árangursmat í Menntaskólanum á Akureyri - heildPDF
samhaeftarang_e.pdf77.54 kBOpenSamhæft árangursmat í Menntaskólanum á Akureyri - efnisyfirlitPDFView/Open
samhaeftarang_h.pdf129.41 kBOpenSamhæft árangursmat í Menntaskólanum á Akureyri - heimildaskráPDFView/Open
samhaeftarang_u.pdf81.44 kBOpenSamhæft árangursmat í Menntaskólanum á Akureyri - útdrátturPDFView/Open