is Íslenska en English

Lokaverkefni Háskóli Íslands > Heilbrigðisvísindasvið > B.S. verkefni - Heilbrigðisvísindasvið >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/10797

Titill: 
  • Fitufordómar og mikilvægi útlits, heilsu og hreysti
Skilað: 
  • Febrúar 2012
Útdráttur: 
  • Markmið þessarar rannsóknar var að skoða fitufordóma og tengsl við það vægi sem fólk
    leggur í útlit, heilsu og hreysti, og hvaða áhrif tilhneiging til að bera sig saman við aðra
    hefði í því sambandi. Erlendar rannsóknir benda til þess að þeir séu algengir á hinum
    ýmsu stöðum, til dæmis á vinnumarkaði og innan heilbrigðis- og heilsuræktarstéttarinnar.
    Staðalmyndir á feitum einstaklingum leiða til fordóma gagnvart þeim og mismununar.
    Kenningar um ástæður fyrir fitufordómum benda meðal annars til neikvæðra eignana um
    orsakir offitu. Þessar eignanir eru síðan réttlættar með staðalmyndum og auk þess virðist
    fólk hafa viðbjóðsnæmi fyrir feitu fólki. Þessi rannsókn var sú fyrsta hér á landi til þess
    að skoða sambandið á milli líkamsímyndar og útlitssamanburðar við fitufordóma hjá
    viðskiptavinum (n = 249) líkamsræktarstöðva. Niðurstöður bentu til þess að fólk sem ber
    útlit sitt mikið saman við aðra væri frekar ungt að árum, óttaðist meira að fitna en aðrir
    og teldu útlit skipta miklu máli. Niðurstöður sýndu einnig að fólk sem ber útlit sitt
    stundum saman við aðra hefur meiri andúð á feitum en þeir sem sjaldan bera sig saman
    við aðra. Að lokum bentu niðurstöður til þess að útlitssamanburður miðli tengslum milli
    þess að leggja mikið vægi á gott heilsufar og telja lítinn viljastyrk og skort á sjálfsstjórn
    vera orsakir offitu.
    Almennt séð benda niðurstöður þessarar rannsóknar til þess að ungt fólk beri útlit
    sitt gjarnan saman við aðra og telur útlit skipta miklu máli. Hugsanlegt er að aukinn ótti
    við að fitna sé afleiðing þessa hugsunarháttar. Afleiðingin meðal þessa hóps er oftar en
    ekki sú að almennir fordómar gagnvart feitum eru ríkjandi.

Samþykkt: 
  • 6.2.2012
URI: 
  • http://hdl.handle.net/1946/10797


Skrár
Skráarnafn Stærð AðgangurLýsingSkráartegund 
LineyDan.pdf222.92 kBOpinnHeildartextiPDFSkoða/Opna