is Íslenska en English

Grein Háskóli Íslands > Menntavísindasvið > Ráðstefnurit >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/10880

Titill: 
  • Kvenlægur arfur og karllægur valdapíramídi : sérstaða leikskólans og hin eilífu átök
Útgáfa: 
  • 2009
Útdráttur: 
  • Í greininni er fjallað um rannsókn frá 2008 sem er hluti af doktorsnámi höfundar við Institute of Education, University of London. Þar var míkrópólitísk nálgun notuð við að varpa ljósi á þau vandamál sem upp koma í starfsmannahópi leikskóla. Athugað var hvernig hin míkrópólitíska vídd birtist í samskiptum leikskólastjóra og starfsfólks og leikskólakennara og samstarfsfólks, og hvort hún væri með einhverjum hætti kynjuð. Jafnframt var skoðað hvaða aðferðir leikskólastjóri notaði til að takast á við hina míkrópólitísku vídd í leikskólastarfinu. Rannsóknarniðurstöður gefa til kynna að innan leikskólans séu viðvarandi átök á milli ólíkra menningarafla og stjórnunaraðferða þeim tengdum og að þau átök valdi nokkurs konar menningarárekstri (e. culture clash). Annars vegar er um að ræða kvenlæga umhyggju- og samskiptastjórnun (arfinn) en hins vegar karllæga píramída- og skrifræðisstjórnun, og á stundum yfirráðamiðaða forystu sem segja má að hafi verið „flutt inn“ í leikskólann. Báðum aðferðum fylgir stýring (e. manipulation); þeim umhyggju- og samskiptamiðaða fylgir þöggun umræðna og bæling átaka og þeim karllæga vannýting á sérfræðiþekkingu og upplifun á valdaleysi. Hvorugur stjórnunarstíllinn er góður einn og sér, og notaðir saman virðast þeir kalla fram átök og viðvarandi vandamál í starfsmannahópnum. Gerð er nánari grein fyrir þessum niðurstöðum og varpað fram þeirri spurningu hvort ekki sé ástæða til að þróa forystustjórnun innan leikskóla sem tekur mið af sérstöðu hans.

Birtist í: 
  • Ráðstefnurit Netlu : rannsóknir - nýbreytni - þróun
Athugasemdir: 
  • Fyrsta ritið í röð ráðstefnurita sem komið hafa út í kjölfar árlegs málþings á vegum Menntavísindasviðs. Heitir Ráðstefnurit Netlu : Menntakvika ásamt viðeigandi ártali frá árinu 2010
Tengd vefslóð: 
  • http://netla.hi.is/menntakvika-2009
Samþykkt: 
  • 24.2.2012
URI: 
  • http://hdl.handle.net/1946/10880


Skrár
Skráarnafn Stærð AðgangurLýsingSkráartegund 
kvenlaegur.pdf178.86 kBOpinnHeildartextiPDFSkoða/Opna