en English is Íslenska

Thesis Reykjavík University > Tækni- og verkfræðideild > BSc verkefni >

Please use this identifier to cite or link to this item: http://hdl.handle.net/1946/10882

Title: 
  • Title is in Icelandic Aukin nýting gufu til raforkuframleiðslu í Svartsengi á álagstímum
Keywords: 
Submitted: 
  • May 2011
Abstract: 
  • Abstract is in Icelandic

    Orkuöflun HS-Orku er þannig háttað að um 164 MW eru fengin frá virkjunum sem eru í eigu eða leigu fyrirtækisins sjálfs. Því má auðveldlega færa rök fyrir því að fyrirtækið anni grunnaflsþörfinni og rétt rúmlega það. Það sem upp á vantar til þess að mæta dægur- og árstíðasveiflum, eða um 34 MW, er keypt af Landsvirkjun samkvæmt langtímasamningum, en þessa samninga þarf að endurnýja innan fárra ára. Það toppafl sem keypt er umfram þessi 34 MW, ef þess gerist þörf, er keypt á verði sem engan veginn er arðbært því búið er að selja orkuna á mun lægra verði til notenda.
    Þetta verkefni gengur út á það að reyna að minnka það toppafl sem HS-Orka þarf að kaupa af Landsvirkjun eða öðrum raforkuframleiðendum.
    Könnuð er hagkvæmni þess að stækka forðatanka HS-Orku fyrir heitt vatn en með því móti er ætlunin að komast hjá því að nota varmaorku til þess að hita upp vatn á álagstímum og þess í stað að nýta alla tiltæka gufu til raforkuframleiðslu á verðmætu toppafli þegar þess gerist þörf. Einnig er leitast við að velja þessum tönkum staðsetningu út frá forsendum um hagkvæmni.
    Skoðuð er verðmyndun á raforku og þróun verðs á toppafli ásamt því að skoða þörfina á heitu vatni og þróun mála í þeim efnum út frá tiltækum gögnum.
    Kostnaðarliðir varðandi hönnun, smíði og uppsetningu nýrra tanka eru áætlaðir sem og endurgreiðslutími framkvæmdarinnar til eigenda.
    Við verkefnavinnuna er aðallega stuðst við upplýsingar um rekstur virkjana í Svartsengi og tiltæk mælingagögn frá HS-Orku, en einnig við kostnaðaráætlanir frá verktökum.

Description: 
  • Description is in Icelandic Vél- og orkutæknifræði
Accepted: 
  • Feb 28, 2012
URI: 
  • http://hdl.handle.net/1946/10882


Files in This Item:
Filename Size VisibilityDescriptionFormat 
Aukin nýting gufu til raforkuframleiðslu í Svartsengi á álagstímum.pdf27.01 MBOpenHeildartextiPDFView/Open