Bændaglíman : samþætting íþrótta, samfélagsfræði og leiklistar

Abstract

Ritgerð þessi ber nafnið Bændaglíman - Samþætting íþrótta, samfélagsfræðigreina og leiklistar og er lokaverkefni til fullnaðar B.Ed. –gráðu í grunnskólakennarafræðum við menntavísindasvið Háskóla Íslands. Í fyrri hluta ritgerðarinnar er fjallað um samþættingu kennsluaðferða. Skoðuð eru námsmarkmið Aðalnámskrá grunnskóla og skrif um samþættingu námsgreina. Einnig er fjallað um hugmyndir kennismiðanna Howard Gardners, Jean Piaget og John Deweys. Í seinni hluta ritgerðarinnar er fjallað um leiklist í skólastarfi, tenginu hennar við Aðalnámskrá grunnskóla og greint frá skoðunum leiklistarfræðimanna. Kynnt er hvernig samþætta má námsgreinarnar íþróttir, samfélagsfræðigreinar og leiklist. Í lokin fylgir frumsamið leikrit eftir höfund ritgerðarinnar, en það er sett fram sem dæmi um námsefni sem tengir fyrrgreindar námsgreinar.