en English is Íslenska

Thesis University of Akureyri > Viðskipta- og raunvísindasvið > B.S. verkefni >

Please use this identifier to cite or link to this item: http://hdl.handle.net/1946/1095

Title: 
  • is Markaðssetning lambakjöts í tengslum við ferðaþjónustu
Abstract: 
  • is

    Þessi ritgerð fjallar um markaðssetningu á íslensku lambakjöti. Leitað er svara við því hvort ferðaþjónusta hér á landi sé notuð sem tæki í markaðssetningu lambakjöts til erlendra ferðamanna sem hingað koma. Einnig er skoðað hvort okkar erlendu gestir eigi kost á því að kaupa íslenskt lambakjöt í sínu heimalandi.
    Í upphafi er farið í gegnum lögmál markaðsfræðinnar og markaðssetning lambakjöts skoðuð í tengslum við þau. Næsti kafli fjallar um mikilvægi lambakjötsframleiðslu sem atvinnugreinar, framleiðslu, afkomu sauðfjárbænda og stjórnsýslu í sauðfjárbúskap. Einnig er fjallað um sögu íslensku sauðkindarinnar, eiginleika og sérkenni hennar og gæði lambakjötsins.
    Því næst eru helstu ferðamannamarkaðir Íslands skoðaðir og bornir saman við stærstu útflutningsmarkaði fyrir lambakjötið. Fjallað er um ímynd íslenska lambakjötsins og gerð er grein fyrir aðgerðum í vöruþróun og markaðssetningu fyrir erlenda ferðamenn hér á landi.
    Í framhaldi af þeim vangaveltum er útflutningsstarfsemin skoðuð. Hvernig útflutningi er háttað, hversu mikið er flutt út og hvað hefur verið gert til að markaðssetja lambakjötið erlendis. Því næst eru gerð skil hugmyndum ýmsra aðila í lambakjötsframleiðslu og ferðaþjónustu varðandi hvernig megi bæta stöðu íslenska lambakjötsins og atvinnugreinarinnar í heild.
    Á grundvelli þeirra gagna sem aflað eru settar fram tillögur um hvernig megi ná betri árangri í markaðssetningu á íslensku lambakjöti á erlendum mörkuðum. Að lokum er spurningunum sem settar voru fram í upphafi svarað.
    Lykilorð: Ísland, lambakjöt, markaðssetning, ferðaþjónusta, samstarf.

Description: 
  • is Verkefnið er opið nemendum og starfsfólki Háskólans á Akureyri
Accepted: 
  • Jan 1, 2003
URI: 
  • http://hdl.handle.net/1946/1095


Files in This Item:
Filename Size VisibilityDescriptionFormat 
lambakjot.pdf711.73 kBMembersMarkaðssetning lambakjöts í tengslum við ferðaþjónustu - heildPDF
lambakjot_e.pdf96.91 kBOpenMarkaðssetning lambakjöts í tengslum við ferðaþjónustu - efnisyfirlitPDFView/Open
lambakjot_u.pdf75.68 kBOpenMarkaðssetning lambakjöts í tengslum við ferðaþjónustu - útdrátturPDFView/Open
lambakjot_h.pdf123.31 kBOpenMarkaðssetning lambakjöts í tengslum við ferðaþjónustu - heimildaskráPDFView/Open