Styrkir ný regla í 95. gr.a. í lögum nr. 2/1995 um hlutafélög, þá minnihlutavernd sem var þar til staðar?

Abstract

Í lokaverkefni þessu er til skoðunar nýlegt ákvæði sem sett var inn til styrktar minnihlutavernd í lögum nr. 2/1995, um hlutafélög. Kom það inn með lögum nr. 68/2010, um breytingu á lögum um hlutafélög, lögum um einkahlutafélög og lögum um ársreikninga (minnihlutavernd o.fl.) í framhaldi af skýrslu Lagastofnunar Háskóla Íslands, um minnihlutavernd í hlutafélögum og einkahlutafélögum samanborin við norræna löggjöf.Í ritgerðinni er fyrst farið almennt yfir hvað sé minnihlutavernd og það að meginreglan í hlutafélagalögunum sé að meirihlutinn ráði úrslitum mála. Næst er skoðuð meginregla minnihlutaverndar þ.e. 95. gr. og í beinu framhaldi skoðað ákvæði 95. gr. a. sem er nýjasta ákvæðið til verndar minnihlutanum. Þá er farið yfir stjórn og ábyrgð í hlutafélögum. Síðan eru skoðaðar greinar í norsku hlutafélagalögunum nr. 45/1997, og loks er lagt mat á það hvort grein 95. a. í lögum nr. 2/1995 um hlutafélög styrki þá minnihlutavernd sem var til staðar.