Fjárhæð skaðabóta vegna galla í fasteignakaupum

Abstract

Í ritgerðinni er farið yfir þær reglur sem gilda um ákvörðun fjárhæðar skaðabóta vegna galla í fasteignakaupum en markmið skaðabóta er að gera kröfuhafa eins fjárhagslega settan og ef réttar efndir hefðu farið fram.Í 2. kafla ritgerðarinnar er að finna stutt yfirlit yfir vanefndaúrræði 37.-45. gr. fkpl. en að því loknu þrengist umfjöllunarefnið og farið er yfir þær reglur sem gilda um útreikning bótafjárhæðarinnar í 3. kafla.Þegar bætur eru miðaðar við kostnað við úrbætur kann kröfuhafi að hafa ávinning af tjóninu en slíkan ávinning ber að draga frá bótum vegna reglunnar um frádrátt ávinnings en þeirri reglu er gerð ítarleg skil í 4. kafla ritgerðarinnar.Í 5. kafla er farið yfir lækkunarreglur 60. gr. fkpl., en í 1. mgr. er mælt fyrir um að lækka skuli bætur ef tjónþoli sinnir ekki skyldu sinni til að takmarka tjón sitt og í 2. mgr. er að finna almenna lækkunarheimild ef bætur þykja ósanngjarnar í garð hins bótaskylda. Að lokum er þeirri spurningu velt upp hvort skaðabætur geti orðið það háar að kröfuhafi verði að grípa til annarra vanefndaúrræða.