en English is Íslenska

Thesis University of Iceland > Félagsvísindasvið > B.A./B.Ed./B.S. verkefni - Félagsvísindasvið >

Please use this identifier to cite or link to this item: http://hdl.handle.net/1946/11015

Title: 
  • is Umboðsmenn knattspyrnumanna. Reglur og skilyrði til að öðlast umboðsmannsréttindi, tengsl þeirra við meginreglur samningaréttar, ásamt hugleiðingum um nauðsyn slíkra reglna.
Submitted: 
  • June 2012
Abstract: 
  • is

    Þó svo milliliðir hafi verið til staðar í félagaskiptum í knattspyrnu nánast frá upphafi atvinnumennskunnar varð starfsstétt umboðsmanna ekki þekkt fyrr en árið 1991 þegar FIFA kom á fót fyrsta opinbera leyfiskerfinu. Í nóvember 2011 voru 6.082 aðilar með réttindi til að starfa sem umboðsmenn um allan heim.
    Framkvæmdastjórn Evrópusambandsins hefur haft aukin afskipti af starfsemi umboðsmanna síðastliðin ár. Í skýrslu sem tekin var saman af framkvæmdastjórninni kemur fram mikilvægi þess að umboðsmenn hafi tilskilin leyfi og hafi gengist undir próf sem tryggja grunnþekkingu á viðfangsefninu svo hægt sé að koma í veg fyrir peningaþvætti, mansal og aðrar óæskilegar eða ólöglegar iðjur. Því hefur verið velt upp hvort samræma eigi þær reglur sem gilda um umboðsmenn leikmanna, en samt sem áður telur framkvæmdastjórnin ekki æskilegt að afnema reglugerð FIFA um umboðsmenn knattspyrnumanna (e. Players' Agents Regulation) þar sem það myndi skapa ákveðið tómarúm innan knattspyrnunnar. Hins vegar er mikið álitamál hvort að þessar reglur séu nauðsynlegar. Þar sem raunin er sú að margir starfa sem eins konar umboðsmenn án þess að uppfylla þau skilyrði sem FIFA setur í reglugerð sína.
    Í þessari umfjöllun um umboðsmenn verður lögð áhersla á umboðsmenn knattspyrnumanna, þær reglur sem gilda um starfsemi þeirra, hvaða skilyrði þarf að uppfylla til að öðlast slík réttindi og hvort nauðsynlegt sé að slíkar reglur séu til. Þá verður fjallað um framtíð þessara reglna og hvort einhverjar breytingar séu fyrirhugaðar í náinni framtíð. Að lokum verður samantekt á efni ritgerðarinnar með áherslu á tengsl meginreglna samningaréttar um umboð og þeirra reglna sem gilda um umboðsmenn knattspyrnumanna.

Accepted: 
  • Apr 12, 2012
URI: 
  • http://hdl.handle.net/1946/11015


Files in This Item:
Filename Size VisibilityDescriptionFormat 
Tanja Tómasdóttir.pdf247.42 kBOpenHeildartextiPDFView/Open
Forsíða - Tanja Tómasdóttir.pdf128.35 kBOpenForsíðaPDFView/Open