en English is Íslenska

Thesis University of Iceland > Félagsvísindasvið > B.A./B.Ed./B.S. verkefni - Félagsvísindasvið >

Please use this identifier to cite or link to this item: http://hdl.handle.net/1946/11018

Title: 
  • is Áhrif inngöngu í ESB á framsal íslensks lagasetningarvalds
Submitted: 
  • April 2012
Abstract: 
  • is

    Meginmarkmiðið með ritgerð þessari er að varpa ljósi á það hvaða áhrif innganga í Evrópusambandið hefði á framsal íslensks lagasetningarvalds og hvaða áhrif það hefði í kjölfarið á íslenska lagasetningu. Leitast verður við að lýsa því hvernig íslensk lög litast nú þegar af Evrópusambandinu gegnum EES-samninginn og hverju hugsanleg innganga Íslands inn í ESB myndi breyta í því sambandi, út frá sjónarhóli fullveldisins.
    Í öðrum kafla verður farið yfir fullveldi og stjórnskipan íslenska ríkisins, íslenska lagasetningu og fjallað um stjórnskipulegar heimildir til framsals valds. Í þriðja kafla verður gerð grein fyrir Evrópusambandinu (skammstafað ESB) og því hvernig lagasetning fer fram innan þess. Jafnframt verður umfjöllun um sambandsrétt og meginreglur þær er gilda að sambandsrétti um beina réttarverkan og forgangsáhrif. Í fjórða kafla verður fjallað um samninginn um Evrópska efnahagssvæðið1 með hliðsjón af lagasetningu og innleiðingu réttargerða ESB. Fyrst verður fjallað almennt um EES-samninginn og aðdraganda hans og að auki fjallað um EES-samninginn í Noregi og áhrif hans þar með hliðsjón af norsku skýrslunni sem gefin var út á vegum norskra stjórnvalda þann 17. janúar 2012. Að því búnu verða tekin fyrir áhrif EB-löggjafar á EES-rétt og innleiðingu hans og réttaráhrif að landsrétti EFTA-ríkjanna. Í kjölfarið verður fjallað um bókun 35, 3. gr. laga nr. 2/1993 og um óbein réttaráhrif ólögfests EES-réttar að landsrétti. Í fimmta kafla verður loks dregið saman hvaða áhrif innganga í ESB myndi í raun hafa á framsal íslensks lagasetningarvalds og gerður samanburður á því hvernig staðan er nú og hvernig hún yrði eftir hugsanlega inngöngu í ESB. Þá verða niðurstöður dregnar saman í sjötta kafla.

Accepted: 
  • Apr 12, 2012
URI: 
  • http://hdl.handle.net/1946/11018


Files in This Item:
Filename Size VisibilityDescriptionFormat 
Þorgerður Jóhanna Sveinbjarnardóttir_ritgerð.pdf245.08 kBOpenHeildartextiPDFView/Open
Forsidan_lok.pdf98.91 kBOpenForsíðaPDFView/Open