Um prókúruumboð og skaðabótaábyrgð prókúruhafa

Abstract

Í þessari ritgerð er fjallað um prókúruumboð og skaðabótaábyrgð prókúruhafa. Það er athyglisvert umfjöllunarefni þar sem ekki hefur verið skrifað mikið um efnið hér á landi og auk þess er dómaframkvæmd ekki mikil. Uppsetning ritgerðarinnar er sú að samhengisins vegna er nauðsynlegt að gerð sé í upphafi grein fyrir helstu tegundum umboða og megineinkennum þeirra. Að því loknu er svo fjallað sérstaklega um prókúruumboð og þau lagaákvæði sem helst koma til skoðunar við notkun á slíkum umboðum. Í síðari hluta ritgerðarinnar er svo fjallað um reglur er varða bótaábyrgð prókúruhafa. Fjallað er um hvers konar bótaábyrgð kemur til skoðunar og hvernig reglunum hefur verið beitt í framkvæmd og er þá fyrst og fremst stuðist við dómafordæmi Hæstaréttar Íslands. Í lokorðum eru svo helstu atriði ritgerðarinnar dregin saman.