Auglýsingaskylda stjórnvalds við úthlutun takmarkaðra gæða

Abstract

Í ljósi örrar samfélagsþróunnar síðustu ára og aukinna umsvifa hins opinbera, verður sífellt brýnna að tryggja réttaröryggi borgaranna í samskiptum þeirra við stjórnsýsluna. Þörf er á að þróun stjórnsýslunnar sé samstiga þeim breytingum sem þjóðfélagið tekur. Áhersla á jafnræðissjónarmið í stjórnsýslunni hefur aukist og leita þarf nýrra leiða til að standa vörð um réttarríkið. Ekki er nóg að tryggja að lögin séu að efninu til góð heldur þarf framkvæmdin að byggja á stjórnfestu og vönduðum stjórnsýsluháttum. Brýnt er að stjórnvöld fylgi leikreglum stjórnsýslulaganna og réttarvernd borgaranna sé þannig tryggð. Í þessari ritgerð er jafnræðisreglan til skoðunar, eða sú skylda stjórnvalda, í samkeppnistilvikum, til að auglýsa takmörkuð gæði, en þegar tveir eða fleiri sækjast eftir sömu gæðum skal úthlutunarferlið ávallt byggja á jafnræðisreglunni og er hún þannig grundvöllur þeirra hugmynda sem nútímasamfélagið hefur um réttlæti og lýðræði