is Íslenska en English

Lokaverkefni (Bakkalár)

Háskóli Íslands > Félagsvísindasvið > B.A./B.Ed./B.S. verkefni - Félagsvísindasvið >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/11106

Titill: 
  • Frammistöðumat. Viðhorf starfsmanna til frammistöðumats
  • Titill er á ensku Performance evaluation. Employees attitudes towards performance evaluation
Námsstig: 
  • Bakkalár
Útdráttur: 
  • Það er mjög mismunandi hversu vel starfsmenn sinna starfi sínu innan fyrirtækja. Mannauðsstjórnun hefur rutt sér til rúms innan fyrirtækja. Hún hefur fært með sér ýmsar lausnir til þess að auka ánægju starfsmanna, minnka starfsmannaveltu og auka þjónustugæði. Ein aðferðin sem mannauðsstjórar hafa innleitt er svonefnt frammistöðumat.
    Í þessari ritgerð verður fjallað um frammistöðumat í fyrirtækjum og helstu þætti sem því tengjast. Það sem vakti áhuga höfundar á þessu efni er það hversu gott matið er til þess að auka árangur starfsmanna og fyrirtækis, en er samt sem áður lítið notað á Íslandi.
    Frammistöðumat er verkfæri sem notað er til þess að meta starfsmenn. Hvert starf er skilgreint af stjórnanda eða næsta yfirmanni og að því loknu eru sett markmið í samstarfi við starfsmann. Markmiðin eru endurskoðuð að minnsta kosti árlega til þess að sjá hvernig gengur að ná þeim. Þeir starfsmenn sem standa sig vel geta miðlað þekkingu sinni til annarra sem eru með lakari frammistöðu. Starfsmannasamtöl eða frammistöðuviðtöl eru órjúfanlegur hluti af frammistöðumati og er því mjög mikilvægt að vel sé að þeim staðið.
    Mörg matskerfi eru til og verður hvert og eitt fyrirtæki að velja kerfi sem hentar þeirra stefnu og markmiðum. Þegar kerfi hefur verið valið verður að standa vel að öllum undirbúningi, upplýsa starfsmenn og stjórnendur um gang mála og framkvæma síðan matið. Þá er nauðsynlegt að veita hverjum starfsmanni góða endurgjöf, svo hann viti hvar hann þarf að bæta sig og hver séu næstu skref. Einnig er mikilvægt að eftirfylgni sé til staðar allt árið um kring. Með eftirfylgni er átt við það að bæði yfirmenn og starfsmenn reyni eftir fremsta megni að vinna að fyrirfram ákveðnum markmiðum og reyni þannig að bæta árangur sinn og þar með fyrirtækisins.
    Til þess að skoða betur framkvæmd frammistöðumats og viðhorf starfsmanna til þess, var gerð rannsókn á meðal starfsmanna í þjónustuveri Arion banka. Tilgangurinn var sá að kanna viðhorf þeirra til frammistöðumatsins sem gert er þar. Niðurstöðurnar voru jákvæðar og eru starfsmenn í þjónustuveri Arion banka almennt mjög ánægðir eða ánægðir með frammistöðumatið. Í þjónustuverinu vinna 37 starfsmenn og svöruðu 25 einstaklingar könnuninni sem er 68% svarhlutfall.
    Unnið var með rannsónarspurninguna: Hvert er viðhorf starfsmanna í Þjónustuveri Arion banka til frammistöðumats? Rannsóknin var gerð með það að augnamiði að skoða hvað mætti bæta í framkvæmd matsins.

Samþykkt: 
  • 27.4.2012
URI: 
  • http://hdl.handle.net/1946/11106


Skrár
Skráarnafn Stærð AðgangurLýsingSkráartegund 
Andrea Pétursdóttir -BS.pdf2.5 MBOpinnHeildartextiPDFSkoða/Opna