is Íslenska en English

Lokaverkefni (Meistara)

Háskóli Íslands > Félagsvísindasvið > Meistaraprófsritgerðir - Félagsvísindasvið >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/11108

Titill: 
  • Meðferð viðskiptavildar í reikningsskilum fyrirtækja
Námsstig: 
  • Meistara
Útdráttur: 
  • Fjallað er um mismunandi meðferð viðskiptavildar í reikningsskilum fyrirtækja. Reynt er að svara því hvort ársreikningar sýni gleggri mynd af fjárhagslegri stöðu og afkomu fyrirtækis ef í reikningsskilum er beitt kostnaðarverðsaðferð með afskrift á ákveðnum árafjölda við mat á viðskiptavild frekar en ef beitt er gangvirðisaðferð þar sem framkvæmt er a.m.k. árlegt virðisrýrnunarpróf. Unnin var megindleg rannsókn sem skiptist í tvo hluta, annars vegar raundæmisrannsókn þar sem tekið var raunhæft dæmi af tveimur skráðum fyrirtækjum þar sem bornar voru saman niðurstöður mismunandi aðferða við meðferð viðskiptavildar í reikningsskilum og hins vegar var unnin könnun á meðal löggiltrar endurskoðenda þar sem þeir voru beðnir um að hafa skoðun á tíu fullyrðingum er snúa að viðskiptavild.
    Rannsóknin leiddi í ljós eftirfarandi, í fyrsta lagi getur mikill munur orðið á fjárhagslegri ásýnd fyrirtækis eftir því hvaða reikningsskilum er beitt við meðferð viðskiptavildar. Í öðru lagi gefa niðurstöður til kynna að núverandi aðferðafræði reikningsskila við meðhöndlun á viðskiptavild getur verið forsenda fyrir uppbyggingu rekstrar. Í þriðja lagi leikur vafi á því að núverandi meðhöndlun viðskiptavildar í reikningsskilum uppfylli eitt af fjórum viðbótar gæðaeinkennum hugtakaramma reikningsskilanna, sem er samanburðarhæfni. Í fjórða lagi er það skoðun íslenskra endurskoðenda að stjórnendur fyrirtækja leggi ekki hlutlaust mat á þær forsendur sem stuðst er við þegar unnið er virðisrýrnunarpróf vegna mögulegrar virðisrýrnun viðskiptavildar. Í fimmta lagi að rétt er að gera greinarmun á keyptri og innbyggðri viðskiptavild við meðhöndlun í reikningsskilum. Og í sjötta lagi að mjög skiptar skoðanir eru á meðal löggiltrar endurskoðanda á Íslandi um hvor aðferðin við mat á viðskiptavild, kostnaðarverðsreikningsskil með afskrift á ákveðnum árafjölda eða gangvirðisreikningsskil þar sem framkvæmt er a.m.k. árlegt virðisrýrnunarpróf, sýni gleggri mynd af fjárhagsstöðu og afkomu viðkomandi fyrirtækis.
    Ekki tókst því að svara rannsóknarspurningunni þar sem allt bendir til þess að mjög skiptar skoðanir séu um hvort ársreikningar sýni gleggri mynd af fjárhagslegri stöðu og afkomu fyrirtækis ef í reikningsskilum er beitt kostnaðarverðsaðferð með afskrift á ákveðnum árafjölda við mat á viðskiptavild frekar en ef beitt er gangvirðisaðferð þar sem framkvæmt er a.m.k. árlegt virðisrýrnunarpróf.

Samþykkt: 
  • 27.4.2012
URI: 
  • http://hdl.handle.net/1946/11108


Skrár
Skráarnafn Stærð AðgangurLýsingSkráartegund 
Ritgerð ÞÓM - 25.04.12 - lokaútgáfa.pdf1.15 MBOpinnHeildartextiPDFSkoða/Opna