is Íslenska en English

Lokaverkefni (Bakkalár)

Háskóli Íslands > Félagsvísindasvið > B.A./B.Ed./B.S. verkefni - Félagsvísindasvið >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/11178

Titill: 
  • Kynferði og kynhegðun. Kynáttunarvandi, transfólk og aðrir jaðarhópar
Námsstig: 
  • Bakkalár
Útdráttur: 
  • Megin tilgangur þessarar ritgerðar er sá að kanna hvað transfólk er, en sá hópur spannar vítt og oft óljóst svið. Til eru einstaklingar sem eru fæddir kynlausir, aðrir kjósa að klæðast og lifa sem gagnstæða kynið í sínum menningarheimi, og svo eru til þeir sem þjást af kynáttunarvanda og upplifa sig fædda í líkama af röngu kyni og gangast undir kynleiðréttingu. Kynferðisvitund er skynjuð en ekki séð, persónuleg og huglæg. Fólk sem á erfitt með að sætta sig við eigið kyn kallast transfólk (e. transgender), en undir það hugtak falla bæði klæðskiptingar sem fara í hlutverk gagnstæða kynsins tímabundið og fólk með kynskiptihneigð (e. transsexual), sem og aðrir kynferðisfrábrugðnir (e. gender variant) einstaklingar. Á sjöunda og áttunda áratug síðustu aldar fengu orðin kyn (e. sex) og kynferði (e. gender) nýjar áherslur, sennilega vegna aukinnar vakningar á samkynhneigð, transsexual og intersexual einstaklingum. Kynhegðun og kynferði er hægt að nálgast út frá nokkrum kenningarlegum sjónarhornum. Samskiptakenningar skýra mótun kynferðisvitundar út frá félagslegum samskiptum, feminískar kenningar skýra kynferðisvitund út frá mismunandi valdastöðu og rétti einstaklingsins yfir eigin líkama og transgender kenningar eru tiltölulega nýjar og hafa helst það markmið að bæta réttindi transfólks. Ekki er langt síðan samkynhneigð var tekin úr greiningarhandbókum geðheilbrigðisfræða sem röskun, en í dag er transgender og kynáttunarvandi kominn í staðinn. Frumvarp til laga um réttarstöðu einstaklinga með kynáttunarvanda (e. gender identity disorder) hefur verið lagt fram á Alþingi með það að markmiði að jafna lagalega stöðu á við aðra í samræmi við mannréttindi og mannhelgi með nauðsynlegum úrbótum á löggjöf.

Samþykkt: 
  • 30.4.2012
URI: 
  • http://hdl.handle.net/1946/11178


Skrár
Skráarnafn Stærð AðgangurLýsingSkráartegund 
Kynferði og kynhegðun - kynáttunarvandi, transfólk og aðrir jaðarhópar.pdf420.14 kBOpinnHeildartextiPDFSkoða/Opna