Íslamsfóbía. Birtingarmyndir og ímyndir múslima á Vesturlöndum

Abstract

Ritgerð þessi fjallar um hugtakið „íslamsfóbíu“ og ímyndir og birtingarmyndir múslima á Vesturlöndum. Fjallað er um hugtakið útfrá kenningum Edwards Said um orientalisma og þá aðgreiningu á milli menningarheimanna sem það felur í sér, sem og það valdamisvægi sem hefur þróast á milli austurs og vesturs. Ímyndir og birtingarmyndir múslima á Vesturlöndum eru skoðaðar og fjallað er um þau þrástef sem finna má í orðræðunni á Vesturlöndum. Fjallað er um hlutverk fjölmiðla í ímyndarsköpun múslima og íslam. Einnig eru teknar fyrir rannsóknir sem gerðar hafa verið á umfjöllun fjölmiðla um múslima og þær skoðaðar og greindar. Að lokum eru áhrif hryðjuverkaárásanna á Tvíburaturnana í september 2001 skoðuð. Þá verða afleiðingar árásanna á almennt líf múslima á Vesturlöndum, birtingarmyndir og ímyndir þeirra sem og áhrif þeirra á almenningsálitið í hinum vestræna heimi athuguð.