en English is Íslenska

Thesis University of Iceland > Heilbrigðisvísindasvið > Meistaraprófsritgerðir - Heilbrigðisvísindasvið >

Please use this identifier to cite or link to this item: http://hdl.handle.net/1946/11182

Title: 
  • is Heilsufar og lyfjanotkun Íslendinga samkvæmt gögnum úr European Social Survey 2004-2005
Submitted: 
  • April 2012
Abstract: 
  • is

    Áhugi á tengslum lýðfræðilegra þátta og heilsu, vellíðunar og lyfjanotkunar fólks hefur vakið mikla athygli undanfarin ár hjá félagsvísindastofnunum en slíkar rannsóknir eru enn fáar hér á landi. European Social Survey (ESS) er félagsfræðileg könnun sem er hönnuð til að greina viðhorf, skoðanir og hegðun Evrópubúa. Rannsóknin er framkvæmd annað hvert ár, nær til 20 landa í Evrópu og eru gögnin notuð í til dæmis lýðfræðilegum og félagshagfræðilegum rannsóknum til að greina og útskýra hina ýmsu þætti á tölfræðilegan hátt.
    Í þessari rannsókn var ætlunin að kanna hvort ýmsir félagslegir þættir mældir í ESS tengist heilsu, lyfjanotkun, meðferðarheldni, viðhorfi fólks til aukaverkana og ráða- og meðhöndlunarleitar. Jafnframt var Ísland borið saman við hin Norðurlöndin.
    Fylgni var athuguð milli allra breyta sem valdar voru inn í rannsóknina. Þá var aðhvarfsgreining (tvíundargreining) framkvæmd til að finna út tengsl ýmissa þátta við óháðar breytur í einu líkani fyrir hvern af þeim fimm þáttum sem rannsakaðir voru.
    Þónokkuð margir þættir tengdust sjálfsmetnu heilsufari fólks en hins vegar voru ekki margir þættir sem tengdust lyfjanotkun, meðferðarheldni, áliti fólks á aukaverkunum og ráða- og meðhöndlunarleit, fyrir utan kyn og aldur. Athyglisvert var að prófun líkananna fimm á hinum Norðurlöndunum skilaði talsvert frábrugðnum niðurstöðum en þeim íslensku þó heilbrigðisstefna og markmið þessara landa séu mjög svipuð.
    Hægt væri að rannsaka þessa þætti nánar út frá mismunandi sjónarhornum og flokka breyturnar á fleiri vegu. Ef Ísland tekur aftur þátt í ESS mætti nota þau gögn til að rannsaka þróun í breytunum sem hér voru til skoðunar.

Accepted: 
  • Apr 30, 2012
URI: 
  • http://hdl.handle.net/1946/11182


Files in This Item:
Filename Size VisibilityDescriptionFormat 
MSLOKARITGERD.pdf1.62 MBLocked Until...2132/04/30HeildartextiPDF
Vidauki_A.pdf154.84 kBLocked Until...2132/04/30ViðaukiPDF
Vidauki_B.pdf178.89 kBLocked Until...2132/04/30ViðaukiPDF
Vidauki_C.pdf492.19 kBLocked Until...2132/04/30ViðaukiPDF