Hinn Agaði Líkami. Ef þú stjórnar líkama þínum - stjórnar þú lífi þínu

Abstract

Markmiðið með þessari ritsmíð er að kanna að hvaða marki útlitsdýrkun getur verið að móta hugarfar og breyta líkömum okkar. Hér er litið á stöðu einstaklinga gagnvart þessari þróun, með áherslu á afleiðingar hennar - þá sérstaklega breytingar á líkamanum, hugmyndum um hann og að lokum tek ég fyrir fitness og vaxtarrækt sem vettvang ögunar líkamans í ljósi fyrri umfjöllunar. Áhersla er lögð á að skoða viðfangsefnið í ljósi femíniskra- sem og fjölmiðla kenninga. Þannig er umfjöllun um staðalímyndir, áhrif og innihald fjölmiðla mjög miðlæg í þessu verkefni. Mikil samfélagsleg þróun hefur orðið vegna nýrra viðmiða í heilsurækt og annara leiða til að móta líkamann eftir okkar höfði, en hér reyni ég að gera stöðu líkamans í nútímasamfélagi einver skil.