en English is Íslenska

Thesis University of Iceland > Hugvísindasvið > Meistaraprófsritgerðir - Hugvísindasvið >

Please use this identifier to cite or link to this item: http://hdl.handle.net/1946/11402

Title: 
  • is Sagann af Dijnus hinumm drambläta. Þróun hirðlegra einkenna og minna í handritagerðum riddarasögunnar Dínus sögu drambláta
Submitted: 
  • May 2012
Abstract: 
  • Ritgerðin fjallar um þróun hirðlegra einkenna og minna innan þriggja handritagerða frumsömdu riddarasögunnar Dínus sögu drambláta sem rituð var á um fimm til sex hundruð ára tímabili. Elsta gerð sögunnar er frá ofanverðri 14. öld, miðgerðin frá 17. öld og yngsta gerðin frá 18. öld. Í raun er ekkert óeðlilegt við það að Dínus saga hafi tekið einhverjum breytingum á þessum árum. Vel er þekkt að fornsögur hafi tekið breytingum við skrifpúltið þegar endurritun handrita fór fram. Því gat gerst að nýjar sögur voru samdar af eldri grunni með breyttum áherslum og jafnvel með ákveðinn áheyrendahóp í huga. Hinar nýju gerðir gátu verið túlkun höfundar á eldri sögu eða jafnvel innifalið endurskoðun einstakra efnisatriða. Í Dínus sögu má greina mismunandi áherslur innan hverrar gerðar fyrir sig. Í ritgerðinni eru allar gerðirnar þrjár bornar saman og ljósi varpað á nokkrar breytingar sem urðu á sögunni. Ber þá helst að nefna þróun hirðlegra einkenna og tákna sem er hvað mest áberandi í yngstu gerð en þar víkja hirðleg einkenni fyrir áhrifum íslenskrar þjóðsagnahefðar.
    Sjónum er einnig beint að tengslum sögunnar við erlenda og innlenda riddarasagnahefð og íslenska sagnahefð almennt. Dínus saga drambláta hefur verið skilgreind sem meykóngasaga. Sagan fjallar um meykónginn Philotemiu og konungssoninn Dínus sem heyja baráttu sín á milli og leitast við skaða mannorð hvors annars. Í ritgerðinni verður valdatogstreytu ungmennanna gerð skil og sýnt fram á hvernig meykóngaminnið tekur breytingum á milli gerðanna og hvaða áhrif þróun minnisins hefur á framvinndu og túlkun sögunnar í hverri gerð fyrir sig.
    Lykilorð: Samanburður, Bókmenntagreining, Miðaldir, Riddarasögur,
    Meykóngasögur

Accepted: 
  • May 4, 2012
URI: 
  • http://hdl.handle.net/1946/11402


Files in This Item:
Filename Size VisibilityDescriptionFormat 
Ásthildur-MAritgerð.pdf440 kBOpenHeildartextiPDFView/Open