en English is Íslenska

Thesis University of Iceland > Félagsvísindasvið > Meistaraprófsritgerðir - Félagsvísindasvið >

Please use this identifier to cite or link to this item: http://hdl.handle.net/1946/11413

Title: 
  • is Aðild að einkamálum samkvæmt 19. gr. laga nr. 91/1991 um meðferð einkamála
Submitted: 
  • May 2012
Abstract: 
  • is

    Í ritgerðinni er fjallað um aðild að einkamálum samkvæmt 19. gr. laga nr. 91/1991 um meðferð einkamála (eml.). Venja er að vísa til þeirra reglna sem þar er að finna með yfirheitinu aðilasamlag en afbrigði þess eru þrjú; samlagsaðild, varaaðild og sakaraukning. Í 2. kafla ritgerðarinnar er fjallað almennt um réttinn til að bera mál undir dómstóla, sbr. 1. mgr. 70. gr. stjskr. og er þar sérstaklega vikið að reglunni um nauðsyn lögvarinna hagsmuna. Í 3. kafla er fjallað um ýmis almenn atriði er snúa að aðild að einkamálum, svo sem hugtökin aðili máls og aðildarhæfi. Þá er fjallað um heimildir til málasamlags í íslenskum rétti í 4. kafla. Í 5. kafla, sem er meginkafli ritgerðarinnar, er fjallað um samlagsaðild. Í þeim kafla eru rakin einkenni og skilyrði samlagsaðildar, en efni kaflans má þó heimfæra yfir á umfjöllun 6. og 7. kafla um varaaðild og sakaraukningu.
    Umfjöllun ritgerðarinnar sneri öðru fremur að þeim skilyrðum sem sett eru fyrir beitingu 19. gr. eml. Hér er í fyrsta lagi um að ræða skilyrðið um sjálfstæða kröfugerð sem lögð hefur verið sérstök áhersla á í dómaframkvæmd undanfarin ár. Í öðru lagi skilyrði er leiða af almennum reglum, þ.e. um lögsögu dómstóla yfir aðilum og sakarefnum og það hvort sömu málsmeðferðarreglur verði að gilda um þær kröfur sem hafðar eru uppi í einu máli á grundvelli 19. gr. eml. Í þriðja lagi það sérstaka skilyrði sem kemur fram í 1. mgr. 19. gr. eml., og er vísað til í 2. og 3. mgr. 19. gr., um að dómkröfur þurfi að eiga rætur sínar að rekja til sama atviks, aðstöðu eða löggernings.

Accepted: 
  • May 4, 2012
URI: 
  • http://hdl.handle.net/1946/11413


Files in This Item:
Filename Size VisibilityDescriptionFormat 
Aðild að einkamálum skv. 19. gr. eml..pdf704.65 kBOpenHeildartextiPDFView/Open