Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/11437
Í þessari ritgerð er fjallað um fylgifé fasteigna. Fylgifé tengist ýmsum öðrum eignum en fasteignum, t.d. skipum og flugvélum. Hér verður einblínt á fylgifé fasteigna og orðið fylgifé einungis notað í þeirri merkingu. Í fræðikerfi lögfræðinnar falla efnistök ritgerðarinnar undir fjármunarétt, nánar tiltekið eignarétt og fasteignakauparétt. Einnig verður fjallað um fylgifé í tengslum við leigurétt og nauðungarsölu. Byrjað verður á að skilgeina hugtökin eign, eignaréttindi og fasteign. Því næst verður fjallað ítarlega um þær réttarheimildir, sem snerta fylgifé fasteigna, og rýnt í hvern lagabálk fyrir sig. Í kjölfarið verða samningar aðila skoðaðir og helstu skyldur kaupanda og seljanda við samningsgerð í fasteignaviðskiptum. Farið verður yfir notkun staðlaðra samningsskilmála og þýðing neytendakaupa í fasteignakaupum útskýrð. Einnig verður borið saman fylgifé ólíkra fasteigna, s.s íbúðarhúsnæðis, atvinnuhúsnæðis, jarða og sumarhúsa. Litið verður yfir farin veg í þróun fylgifjár, auk þess sem athugað verður hvað er að gerast í þessum efnum hjá frændum okkar á Norðurlöndum og öðrum völdum Evrópuþjóðum. Að lokum verður rýnt í skyldur fasteignasala í tengslum við fylgifé. Í umfjölluninni er töluvert stuðst við dómaframkvæmd og vísað til Hæstaréttardóma, og einnig héraðsdóma og úrskurða eftir því sem við á.
Skráarnafn | Stærð | Aðgangur | Lýsing | Skráartegund | |
---|---|---|---|---|---|
Asdis Rosa MAlokautgafa.pdf | 726.41 kB | Opinn | Meginmál | Skoða/Opna | |
Kaupsamningstexti viðauki.pdf | 294.92 kB | Opinn | Viðauki | Skoða/Opna | |
Forsíða1.pdf | 40.24 kB | Opinn | Forsíða | Skoða/Opna |