Ofbeldi gegn börnum og bjargir þeim til handa

Abstract

Þessi ritgerð er lokaverkefni til B.Ed. gráðu við kennaradeild Háskólans á Akureyri. Í ritgerðinni er fjallað um ofbeldi gegn börnum og bjargir þeim til handa sérstaklega innan leikskóla. Auk skýringa á hvað ofbeldi er og hvaða afleiðingar það getur haft á framtíð barna er greint frá atriðum sem talið er gott að vinna með til að styrkja börn í aðstæðum sem þessum.Gerð var könnun meðal starfsmanna í leikskólum á Akureyri um það hvernig þeir telja sig í stakk búna ef upp kemur grunur eða vissa um ofbeldi gegn börnum og hvaða upplýsingar þeir vilja sjá í handbók um það efni. Einnig voru tekin viðtöl við einstaklinga sem vinna að barnaverndar- og ofbeldismálum.Niðurstöður sýna að starfsmenn í leikskólum telja sig ekki nógu vel upplýsta um þessi mál og komu með tillögur sem nýta mætti í gerð handbókar þeim til stuðnings.